Armeniia prezidenti Armen Sarkisian halyqty tolqytqan bolashaqqa degen senimniń bolmaýy, áleýmettik qiyndyqtar men qanaǵattaný seziminiń joqtyǵy ekenin aitady, - dep habarlaidy Tengrinews.kz RIA Novostiǵa silteme jasap.
"Elimizde qiyndyqtar kóp ekenin birneshe ret aittyq. Halyqty tolqytqan bolashaqqa degen senimniń bolmaýy, áleýmettik qiyndyqtar men qanaǵattaný seziminiń joqtyǵy. Bul faktorlar azamattarymyz úshin mańyzdy. Bul - otanymyz úshin tarihi kezeń, jańa Armeniiany turǵyzatyn ýaqyt keldi", - dep keltiredi onyń sózin Sputnik Armeniia.
Armeniia prezidenti Serj Sargsiannyń qaqtyǵysqa deiin jetkizbei el kóshbasshysynyń ornyn bosatý týraly sheshimin qurmetteitinin atap ótti.
Serj Sargsian Armeniiadaǵy on kúnge sozylǵan narazylyq aktsiialaryna bilanysty dúisenbide otstavkaǵa ketti. Prezident Sarkisian ministrler kabinetiniń otstavkasyn qabyldady.
Eldi 2008 jyldan beri basqaryp kele jatqan Sargsiandy Armeniia premeri etip taǵaiyndaýǵa qarsylyq 13 sáýirde bastalǵan. Jańa parlamenttik respýblika (9 aqpannan bastap) zańdary boiynsha eldi premer basqarady. Oppozitsiia Sargsiandy ekonomikalyq jaǵdaidyń nasharlaýyna ákeldi dep aiyptap, 17 sáýirde "barqyt tóńkerisi" bastalǵanyn málimdegen. Jalpy narazylyqqa qaramastan, Armeniia parlamenti 17 sáýirde Sargsiandy úkimet basshysy etip taǵaiyndaǵan bolatyn.
