Almaty oblysy Sarqan aýdandyq soty Facebook paraqshasynda qyzyn óltirgen anasy men aǵasynyń isine qatysty jańa derekterdi jariialady, - dep habarlaidy "Ult aqparat".
Sot aqparaty boiynsha, 8 aqpanda áiel aǵasymen birge taksimen qyzyn alyp kele jatyp, jolda túsip qalǵan.
"Sol kezde aǵasyna týmasynan aýrýshań jáne esepte turǵan balasyn qarai almaitynyn, kórgisi kelmeitinin aityp, ony óltirý kerek ekeni týraly usynys jasaǵan. Kelispegen jaǵdaida ózine-ózi qol jumsaitynyn jetkizgen. Aǵasy qaryndasynyń sózine kelisip, balany óltirýge aldyn ala sóz bailasqan. Kishkentai qyzdy óltirýge baǵyttalǵan oiyn iske asyrý úshin qala syrtynda ornalasqan, burynǵy zaýyt mańyndaǵy qoqys tógetin jerdiń eńisine qarai túsip, dármensiz balany jerge jatqyzyp qylqyndyryp óltirgen. Balanyń baqilyq bolǵanyna kóz jetkizip, máiitti jasyryp, tóbeshiktiń ústinde syrttai baqylap turǵan qaryndasyn alyp, oqiǵa ornynan boi tasalaǵandary anyqtaldy", - deidi sottyń baspasóz qyzmetindegiler.
