Almaty oblysynyń Sarqan aýdanynda uly Abai jáne Muhametjan Tynyshbaevtyń mýraly salyndy, dep habarlaidy "Ult aqparat".
«Uly aqynnyń týǵanyna 175 jyl tolýyna orai barlyq óńirde osyndai sýretter salyp, esimin ulyqtaýda. Álemdi óz týyndylarymen tánti etken Abai atamyzǵa jáne alǵashqy temirjolshy, ult maqtanyshy, Sarqan aýdanynyń týmasy Muhametjan Tynyshbaevqa arnalǵan mýraldar kópqabatty úilerdiń birinde salyndy. Maqsatymyz - qazaqtyń maqtanyshyna ainala bilgen qos uly tulǵanyń sýretin tek ásemdik úshin salyp qana qoimai, jastardyń óz tarihyn, uly tulǵalarynyń esimderin umytpaýǵa tárbieleý», - delingen Sarqan aýdany ákiminiń baspasóz qyzmetiniń jariialaǵan aqparatta.
Jas urpaq sanasynda Abaidyń, Muhametjan Tynyshbaevtyń eńbekteri men shyǵarmalary máńgi mura bolyp qalary anyq.
Sarqan qalasynda kópqabatty úidiń qabyrǵasynda Hákim Abaidyń jáne Muhametjan Tynyshbaevtyń portreti «Jetisý adaldyq alańy» jobasy aiasynda, aýdan ákimi Talǵat Qanatulynyń qoldaýymen salyndy.
