Almaty oblysynyń Sarqan aýdanynda bes jasar balanyń múrdesi qoqysta úsh aidan beri jatqan. Bul jaǵdai tergeý barysynda anyqtaldy, dep habarlaidy QazAqparat agenttigi.
Qazir politsiia qaitys bolǵan balanyń anasy men týǵan naǵashy aǵasynan jaýap alý ústinde.
«Ekeýiniń aitýy boiynsha, balanyń múrdesin qoqysqa 2022 jyldyń 11 aqpanynda aparyp tastaǵan», - dedi dedi Sarqan aýdany prokýrorynyń orynbasary Edil Qorǵanbaev.
Iaǵni, 2017 jyly týǵan balanyń múrdesi 3 ai boiy qoqys alańynda jatqan. Kýágerler balanyń denesin taýyp alǵanda tek qańqasy qalǵanyn aitady.
Esterińizge salsaq, 18 mamyr kúni Almaty oblysy Sarqan aýdanynda bes jasar balanyń máiiti qoqystan tabylǵanyn habarlaǵan bolatynbyz.
Quzyrly organnyń aqparatyna sáikes, búgin 19 mamyr kúni balanyń anasy anyqtaldy. Ol - 2002 jyly týǵan Sarqan qalasynyń turǵyny.
Balasyn 2017 jyly iaǵni, 15 jasynda dúniege ákelgen. Tergeý júrip jatyr.
