Foto: Pexels.com
Taldyqorǵan qalalyq soty «Sarqan aýdany boiynsha bilim bólimi» MM bas býhgalter K. Qurmanǵalievaǵa, sol bólimniń býhgalterleri A. Muratova men A. Qalabaevaǵa, «Qazposhta» AQ aýdandyq ýchaskesiniń bastyǵy A. Takenge, «Aidana» bóbekjai-baqshasy meńgerýshisiniń m.a. N. Balǵabaevaǵa jáne Jetisý oblysy IMAB kameraldyq baqylaý bóliminiń basshysy Ý. Japabaevqa qatysty úkim shyǵardy, dep habarlaidy Ult.kz.
Qurmanǵalieva, Qalabaeva, Muratova jáne Taken bilim bólimi qyzmetkerleriniń shottaryna belgilengen jalaqydan artyq aýdarý jolymen 1,6 mlrd teńge somasynda biýdjet qarajatyn jymqyrǵany úshin kináli dep tanyldy.
Balǵabaeva, Qalabaeva balabaqshada aýdit júrgizbeý syltaýymen olardyń aqshalai qarajatyn iemdengen Japabaevqa para berýge oqtalǵany úshin kináli dep tanyldy.
Qurmanǵalievaǵa 8 jylǵa, Qalabaeva, Muratova jáne Takenge 7 jylǵa bas bostandyǵynan aiyrý jazasy taǵaiyndaldy.
Balǵabaeva men Japabaevqa tiisinshe 1,2 mln teńge jáne 1 mln teńge aiyppul salyndy.
Sonymen qatar, sottalǵandar memlekettik qyzmette jáne kvazimemlekettik sektor sýbektilerinde qyzmet atqarý quqyǵynan ómir boiy aiyryldy.
Sot aktisi zańdy kúshine engen joq.
