Aqtóbede tártipsizdikter kezinde zardap shekken 50 adam jedel járdem aýrýhanasyna jetkizilgen, olardyń 15-i aýrýhanaǵa jatqyzylǵan, jaraqat alǵandar arasynda tórt politsiia qyzmetkeri bar. Bul týraly "Habar 24" telearnasy siýjetinde aityldy, - dep habarlaidy Tengrinews.kz tilshisi.
Oblys ákimdigi mańynda tártip ornatýǵa qatysqandar qatarynda áskeri qyzmetker Vasilii Larichev te bolǵan. Ol - Almaty oblysynyń týmasy. Jergilikti áskeri bólimde jarty jyldan asa ýaqyt qyzmet etedi.
Qatardaǵy sarbaz búlikshiler qorshaýdy buzyp ótip, Aqtóbe oblysy ákimdigi ǵimaratyna basyp kirgenin eske aldy. Qaqtyǵys kezinde sarbazdyń miy shaiqalǵan.
"Onda baqylaý, kórý múmkindigi bolmady. Bizge gaz laqtyrdy, osylai mańaidy tútin basyp ketti. Ainala jarqyldap, men tepe-teńdikti joǵalta bastadym ...", - dedi Larichev.
Taǵy bir jábirlenýshi – politsiia maiory Jasulan Jeksenbaev. Tártipsizdikter saldarynan ol jambasynan, qoldarynan oq jaraqatyn alyp, eki saýsaǵynan aiyrylǵan. Qazir politseidiń jaǵdaiy turaqty.
Oblys ákimdigi mańyndaǵy aýmaqty tazartý boiynsha arnaiy operatsiia barysynda quqyq qorǵaý organdaryna 200-ge jýyq adam jetkizilgen. Qazirgi ýaqytta politseiler tártipsizdikti týdyrǵandar men arandatýshylardy anyqtaý jumystaryn jalǵastyryp jatyr.
Qazir aimaqtaǵy jaǵdai turaqty, biraq oblys ákimdigi mańyndaǵy aýmaq áli qorshaýda. Oblysta saǵat 23:00-den 07:00-ge deiin komendanttyq saǵat rejimi belgilengen. Sońǵy eki kúnde komendanttyq saǵatty buzǵan 400-den asa adam quqyq qorǵaý organdaryna jetkizildi.
