اقتٶبەدە تەرتٸپسٸزدٸكتەر كەزٸندە زارداپ شەككەن 50 ادام جەدەل جەردەم اۋرۋحاناسىنا جەتكٸزٸلگەن, ولاردىڭ 15-ٸ اۋرۋحاناعا جاتقىزىلعان, جاراقات العاندار اراسىندا تٶرت پوليتسييا قىزمەتكەرٸ بار. بۇل تۋرالى "حابار 24" تەلەارناسى سيۋجەتٸندە ايتىلدى, - دەپ حابارلايدى Tengrinews.kz تٸلشٸسٸ.
وبلىس ەكٸمدٸگٸ ماڭىندا تەرتٸپ ورناتۋعا قاتىسقاندار قاتارىندا ەسكەري قىزمەتكەر ۆاسيليي لاريچەۆ تە بولعان. ول - الماتى وبلىسىنىڭ تۋماسى. جەرگٸلٸكتٸ ەسكەري بٶلٸمدە جارتى جىلدان اسا ۋاقىت قىزمەت ەتەدٸ.
قاتارداعى سارباز بٷلٸكشٸلەر قورشاۋدى بۇزىپ ٶتٸپ, اقتٶبە وبلىسى ەكٸمدٸگٸ عيماراتىنا باسىپ كٸرگەنٸن ەسكە الدى. قاقتىعىس كەزٸندە ساربازدىڭ ميى شايقالعان.
"وندا باقىلاۋ, كٶرۋ مٷمكٸندٸگٸ بولمادى. بٸزگە گاز لاقتىردى, وسىلاي ماڭايدى تٷتٸن باسىپ كەتتٸ. اينالا جارقىلداپ, مەن تەپە-تەڭدٸكتٸ جوعالتا باستادىم ...", - دەدٸ لاريچەۆ.
تاعى بٸر جەبٸرلەنۋشٸ – پوليتسييا مايورى جاسۇلان جەكسەنباەۆ. تەرتٸپسٸزدٸكتەر سالدارىنان ول جامباسىنان, قولدارىنان وق جاراقاتىن الىپ, ەكٸ ساۋساعىنان ايىرىلعان. قازٸر پوليتسەيدٸڭ جاعدايى تۇراقتى.
وبلىس ەكٸمدٸگٸ ماڭىنداعى اۋماقتى تازارتۋ بويىنشا ارنايى وپەراتسييا بارىسىندا قۇقىق قورعاۋ ورگاندارىنا 200-گە جۋىق ادام جەتكٸزٸلگەن. قازٸرگٸ ۋاقىتتا پوليتسەيلەر تەرتٸپسٸزدٸكتٸ تۋدىرعاندار مەن ارانداتۋشىلاردى انىقتاۋ جۇمىستارىن جالعاستىرىپ جاتىر.
قازٸر ايماقتاعى جاعداي تۇراقتى, بٸراق وبلىس ەكٸمدٸگٸ ماڭىنداعى اۋماق ەلٸ قورشاۋدا. وبلىستا ساعات 23:00-دەن 07:00-گە دەيٸن كومەندانتتىق ساعات رەجيمٸ بەلگٸلەنگەن. سوڭعى ەكٸ كٷندە كومەندانتتىق ساعاتتى بۇزعان 400-دەن اسا ادام قۇقىق قورعاۋ ورگاندارىنا جەتكٸزٸلدٸ.
