Sarapshylar EXPO kórmesine qansha qarajat jumsalǵanyn eseptedi, - dep habarlaidy Ranking.kz sarapshylary.
Sonymen, Qazaqstan 5 jyl ishinde EXPO 2017 kórmesine 565,1 milliard teńge nemese 2,1 milliard dollar bólgen.
Sarapshylar Qarjy ministrliginiń málimetterine súiene otyryp, kórmeni ótkizýge 2016 jyly memlekettik biýdjetten 267,2 milliard teńgeniń bólingenin aitady. Al 2015 jylmen salystyratyn bolsaq, ol kezde kórmege 154,2 milliard teńge bólinse, 2017 jyly 77,3 milliard teńge bólingen.
"EXPO 2017 kórmesine respýblikalyq biýdjetten 2013 jyly - 20,3 milliard, 2014 jyly - 46,1 milliard, 2015 jyly - 154,2 milliard, 2016 jyly - 276,2 milliard, 2017 jyly - 77,3 milliard teńge bólindi. 2016 jyly biýdjet shyǵyndarynyń reitinginde EXPO kórmesi 13-orynda tur", - deidi sarapshylar.
Sondai-aq, mamandardyń aitýynsha, elimizdegi árbir salyq tóleýshiniń úlesi 66 myń teńge bolǵan. Osylaisha, EXPO kórmesi elimizdegi Otyn energetikalyq keshenin damytý qoryna jinalǵan qarajattan 30 milliard teńgege kóp aqsha jinalǵan.
Halyqaralyq rekordtar jaily aitatyn bolsaq, sarapshylardyń aitýynsha, eń qymbat EXPO kórmesi 2010 jyly Qytaidyń Shanhai qalasynda (60 milliard dollar) ótkizilgen. Al 2015 jyly Milanda ótkizilgen kórmege 3,6 milliard dollar jumsalǵan.
