«Áleýmettik meditsinalyq saqtandyrý qory» UAK» Meditsinalyq qyzmetterdi satyp alýdy uiymdastyrý departamentiniń direktory Svetlana Ponomareva Qazaqstanda COVID-19-ǵa qatysty biryńǵai statistika týraly pikir bildirdi, dep habarlaidy QazAqparat.
«Statistikany biriktirý - Densaýlyq saqtaý ministrligi qabyldaǵan óte durys sheshim boldy», - deidi Svetlana Ponamareva.
Ol statistikaǵa ótken kezeńdi de kirgizý kerektigin aitty.
«Dúniejúzilik densaýlyq saqtaý uiymy usynǵan kod boiynsha esepke alý tamyz aiynan bastaldy. Birizdilik bolý úshin ótken kezeńdegi jaǵdailardy da esepke alý kerek dep sanaimyn. DDSU usynysy keiin bolǵanyn túsinemiz, biraq oǵan deiingi kezeńde aýyryp, emdelip alǵandar bar. Belgili bir ýaqyt ótkennen keiin olarǵa da saraptama jasap, bir tásil boiynsha statistika berý kerek», - deidi ol.
