Zertteý jáne konsalting ortalyǵynyń seriktesi Ánýar Boranbaev Qazaqstandaǵy adami kapitalǵa aldaǵy ýaqytta eki faktordyń áser etetinine boljam jasady, dep habarlaidy QazAqparat.
Sarapshy onlain baspasóz máslihaty barysynda adami kapitaldyń damýynyń negizgi baǵyttarymen tanystyrdy. Onyń pikirinshe, syrtqy yqpal faktorlary týraly aitqanda, qazaqstandyq adami kapitalǵa jahandyq eki trend áser etedi. Birinshi top – daryndylar úshin kúres. Damýshy elderden «bilimdi jastardyń qonys aýdarýy» kúsheiedi. Ekinshi top trendi daǵdylardyń transformatsiiasyna bailanysty. Saýattylyq, qol eńbegi men resmi diplom jumys pen jaqsy tabysqa ýaqyt ótken saiyn kepil bola almaidy.
«Úsh biliktilik tobyna degen suranys ekpindi túrde ósip keledi. Olar: tehnologiialyq biliktilik, tehnologiiany túsine bilý, innovatsiiany daiarlai bilý jáne tiimdi qoldana bilý bolsa, ekinshisi qoǵamdyq jáne emotsiialyq biliktilik – kásipkerlik, kóshbasshylyq, yntalylyq, kommýnikativtik qabileti, úshinshisi joǵary kognitivtik ikemdilik – kreativtik, syn turǵysynan oilaý, qiyn aqparatty óńdeý bilý», - deidi sarapshy Qazaqstandy modernizatsiialaý jáne júieli reformalardy júrgizý máseleleri boiynsha zertteý jumystaryn tanystyrý kezinde.
Aita ketsek, búgingi onlain baspasóz máslihatynda Álemdik ekonomika jáne saiasat institýtynyń sarapshylary eldi jańǵyrtý máseleleri boiynsha júrgizilgen júieli saraptamalyq zertteý nátijelerin tanystyrǵan bolatyn. Ǵylymi jobanyń basty qorytyndylary onlain-kórsetilim barysynda tanystyryldy. Aýqymdy zertteý jumysy QR Tuńǵysh Prezidenti – Elbasy Qorynyń tapsyrmasy boiynsha 2019 jyly bastalǵan.
