video kadry
Bokstan 2016 jylǵy Olimpiada chempiony Daniiar Eleýsinov Instagram-paraqshasynda Almatyda ótken Batyrball týrnirinde Serik Sápiev pen erkin kúresten sport sheberi Zelimhan Musihanov arasyndaǵy janjalǵa qatysty oiyn bildirdi, - dep habarlaidy Massaget.kz portaly Vesti.kz-ke silteme jasap.
"Assalaýmaǵalaikúm, Qazaq eli! 2 kúnnen beri talqylanyp jatqan Serik Sápiev aǵamyz ben sportshynyń arasyndaǵy bolǵan jaǵdai týraly aityp ketkim keledi. Men de aq pen qarany ajyratý úshin kúttim. Barlyǵyn kórdim, emotsiia kernep turǵanda artyq aitpaý úshin qalai bolǵanyn kúttim. Jigittiki durys emes, óitkeni Seriktiń qolynda dop bolmady. Dop bolmaǵan soń olai laqtyrýdyń qajeti ne? Ol jerde jaraqat alýy múmkin edi. Basqa oiynshylardy da kórip jatyrmyn, olardy da dop joq kezde laqtyryp jatty, biraq janjal bolǵan joq, óitkeni olar qatty laqtyrmady, iterip nemese jailap ornyna qoiady, biraq bul jerde ol biikten "qadap" jiberdi. Bul jerde yzamen istelgen siiaqty. Seriktiń emotsiiasy túsinikti. Munda ol jigitti urdy deidi, al jigit Olimpiada chempiony, álem chempiony jáne kýbok Vel Barker iegerin bilýi kerek", - dedi Eleýsinov.
Janjal týraly qazaqstandyq aýyr atlet Ilia Ilin de aitty. Aýyr atlet balýan men onyń bapkeri Aleksandr Goltsmannyń keshirim suraǵanyna pikir bildirdi.
"Jigitter qateni moiyndap, der kezinde túzedi", - dep jazdy Ilin Instagram-paraqshasynda.
Eske salaiyq, Batyrball oiyny (kúres aralas basketbol) kezinde Serik Sápiev balýanmen janjaldasyp qaldy. Zelimhan Musihanov Sápievke qarsy kúres ádisin qoldanǵan, bul boksshyǵa unamai qalǵan, keiin tóbeles bastalǵan. Ózge oiynshylar sportshylardy ajyratyp úlgergen. Alaida olar keiinirek kiim aýystyratyn bólmede taǵy daýlasqan.
