video kadry
Almatyda ótken Naiza 49 týrnirinde óner kórsetken MMA balýany Zelimhan Mýsihanov pen onyń jattyqtyrýshysy Aleksandr Goltsman oiyn barysynda bolǵan janjalǵa bailanysty elden jáne belgili sportshy Serik Sápievten keshirim surady, - dep habarlaidy "Ult aqparat".
"Qurmetti qazaqstandyqtar, jasaǵan áreketim úshin keshirim suraimyn. Men ereje buzyp, qatelik jasadym. Sodan oiynda emotsiiaǵa erik berdim. Serik Sápiev – halqymyzdyń maqtanyshy. Emotsiiamen, oilanbai jasaǵan áreketimdi keshirińiz. Bul endi qaitalanbaidy. Barshańyzǵa As-salamý aleikým!" - deidi Mýsihanov videojazbada.
Goltsmannyń aitýynsha, ol da emotsiiaǵa berilip, artyq sóz aitqan.
"Meniki durys bolmady, sondyqtan shákirtim ekeýmiz jasaǵan barlyq áreketimiz úshin keshirim suraimyn. Biz barsha sportshyǵa jáne batyrymyz, Olimpiada chempiony Serik aǵaǵa qurmetpen qaraimyz. Serik aǵany sport, qoǵam qairatkeri retinde qurmetteimiz.
Bizdiń is-áreketimiz chempionymyzdyń bedeline nuqsan keltirmeýi kerek, jaǵdaidyń bulai bolǵanyn qalamadyq. Bárine ózimiz kinálimiz. Bolǵan jait úshin keshirińizder", - dedi jattyqtyrýshy óz sózinde.
Eske salaiyq, Batyrball oiyny (kúres aralas basketbol) kezinde Serik Sápiev balýanmen janjaldasyp qaldy. Balýan Zelimhan Mýsihanov Sápievke qarsy kúres ádisin qoldanǵan, bul boksshyǵa unamai qalǵan, keiin tóbeles bastalǵan. Degenmen ózge oiynshylar sportshylardy ajyratyp úlgergen.
Alaida olar keiinirek kiim aýystyratyn bólmede taǵy daýlasqan.
