QR Aýyl sharýashylyǵy ministrligi agroónerkásipti damytý jónindegi ulttyq jobaǵa óńirlerdiń usynystaryn da engizedi.
Bul týraly QR Aýyl sharýashylyǵy ministrliginiń baspasóz qyzmeti habarlady.
Baspasóz qyzmetiniń málimetterine qaraǵanda, QR Aýyl sharýashylyǵy ministrligi fermerlermen, aýyl sharýashylyǵy máselelerine jetekshilik etetin respýblikalyq mańyzy bar qalalar jáne oblys ákimderiniń orynbasalarymen, aýyl sharýashylyǵy basqarmalarynyń basshylarymen ótken keńeste AÓK damytý jónindegi ulttyq jobanyń Tujyrymdamasyn usyndy.
Keńes barysynda Aýyl sharýashylyǵy ministri Saparhan Omarov tujyrymdamany ázirleýge BUU Azyq-túlik jáne aýyl sharýashylyǵy uiymynyń sarapshylary, «Atameken» UKP, biznes jáne ǵylymi qoǵamdastyq ókilderi qatysqanyn atap ótti.
Ulttyq joba tujyrymdamasynyń negizgi jańashyldyqtary týraly QR AShM vitse-ministri Rústem Qurmanov aityp berdi.
Atap aitqanda, ol qujat agroónerkásip keshenin (AÓK) damytýdyń 15 basym baǵytynan turatynyn, olardyń árqaisysy boiynsha naqty sharalar men indikativter kózdelgenin habarlady.
Saparhan Omarov keńeske qatysýshylardy qujatty talqylaýǵa shaqyra otyryp, Aýyl sharýashylyǵy ministrligi óńirlerdiń barlyq utymdy usynystaryn qaraýǵa jáne ulttyq joba tujyrymdamasyna engizýge daiyn ekenin aitty.
«Aýyl sharýashylyǵy el ekonomikasynyń basym baǵyttarynyń biri bolyp tabylatynyn eskere otyryp, aimaq ákimderiniń orynbasarlarynan óńirlerdiń ereksheligin eskere otyryp, AÓK salasyn damytý tetikterin ázirleý úshin óńirlik jumys toptaryn jedel qurýǵa shaqyramyn. Sonymen qatar, máselelerdi kórsetip qana qoimai, olardy sheshý joldaryn da usynýdy suraimyn. Ministrliktiń qurylymdyq bólimsheleriniń basshylaryna kelip túsken barlyq usynystardy nazarǵa alýdy tapsyramyn», - dep atap ótti ministr.
