Adam basyna shaqqandaǵy kiris eń tómengi kúnkóris deńgeiiniń 70 protsentinen, iaǵni 20 789 teńgeden sál ǵana asyp ketse, bul otbasy turmysy nashar otbasy sanatyna kirmeidi. Sebebi tártip sondai. Bul týraly eńbek jáne halyqty áleýmettik qorǵaý ministri Berdibek Saparbaev málimdedi, dep habarlaidy sputniknews.kz.
Shara barysynda BAQ ókilderi Eńbek jáne halyqty áleýmettik qorǵaý ministri Berdibek Saparbaevqa birneshe saýal qoiǵan bolatyn.
Onyń alǵashqysy zeinet jasyndaǵy ata-anasymen birge turatyn kópbalaly otbasylarǵa qatysty boldy. Tilshiler tarapynan «Ataýly áleýmettik kómek eseptelgen kezde olardyń zeinetaqysy nazarǵa alyna ma?» degen suraq joldandy.
Bul saýalǵa Berdibek Saparbaev: «Zeinetaqy eseptelinedi», - dep qysqa jaýap qaiyrdy.
Turǵylyqty mekenjaiǵa tirkeýge qatysty saýalǵa da ministr kidirmei jaýap berip, kópbalaly otbasy ataýly áleýmettik kómek alatyn jerde mindetti túrde tirkeýge turýy tiistigin atap ótti.
Úkimet úiinde ótken baspasóz máslihatynda jýrnalister eńbek jáne halyqty áleýmettik qorǵaý ministrinen ataýly áleýmettik kómek týraly suraýdy da umytpady.
"Otbasynyń jan basyna shaqqandaǵy kirisi 20 789 teńgeden 10-15 teńgege asyp ketse, bul azamattar turmysy nashar otbasy sanatyna kirmei qala ma?", - dep suraq qoidy BAQ ókili.
Ministr bári zańǵa sáikes júzege asatynyn aitty.
"Kirmei qalady, sebebi tártip solai. Solai dep belgilengen. 20 789 teńge, odan aspaý kerek. Al eger asyp ketse, tólenbeidi", - dep qysqa qaiyrdy Saparbaev.
Baspasóz máslihatyna qatysqan vitse-premer Gúlshara Ábdiqalyqova da ataýly áleýmettik kómek bergen kezde tártiptiń bolýy tiistigin atap ótti.
«Qandai kómek beretin bolsaq ta, tártip bolýy kerek. Belgili shek bolýy shart. Otbasy birge turǵandyqtan, bir úide turatyndyqtan barlyq kiris esepteledi. Altyn alqa, Kúmis alqa boiynsha tólemder, múgedek bala kútimine beriletin járdemaqylar ǵana eseptelmeidi», - dedi Gúlshara Ábdiqalyqova.
Aita ketsek, Qazaqstan prezidentiniń tapsyrmasyna sáikes, osy jyldyń 1 shildesinen bastap ataýly áleýmettik kómek kriteriii eń tómengi kúnkóris deńgeiiniń 70 protsentine deiin kóteriledi. Iaǵni, 14 myń 849 teńgeden 20 myń 789 teńgege deiin, eń tómengi kúnkóris deńgeii – 29 myń 698 teńge.
Nátijesinde ataýly áleýmettik kómekpen qamtylatyndar sany qazirgi 570 myńnan 830 myń azamatqa deiin kóbeimek.
