Zeinetaqy jinaǵyn alýǵa ruqsat berý úshin úkimet qazaqstandyqtyń qordaǵy aqshasy men ómir súrý uzaqtyǵyna qaraidy. Bul týraly premer-ministrdiń orynbasary Berdibek Saparbaev aitty, dep habarlaidy Sputnik Qazaqstan.
Vitse-premerdiń aitýynsha, qazir zeinetaqy jinaǵyndaǵy qarajatty alýǵa qatysty másele pysyqtalyp jatyr. Arnaiy jumys toby qurylǵan.
"Birinshiden, bul ár azamattyń zeinetaqy jinaǵyna bailanysty bolady. Ekinshiden – ómir súrý uzaqtyǵyna. Bul azamat shamamen qansha jyl zeinetaqy alatynyn esepteimiz. Iaǵni, ómiriniń qalǵan kúnderine jinaǵan qory jete me, joq pa, soǵan qaraimyz", - dedi Saparbaev májilis kýlýarynda.
Eske sala ketsek, 2 qyrkúiekte Qasym-Jomart Toqaev Qazaqstan halqyna alǵashqy Joldaýynda Úkimet pen Ulttyq bank zeinetaqy júiesiniń tiimdiligin arttyrýy qajet ekenin aitqan bolatyn.
Prezident Úkimetke jyldyń sońyna deiin qazaqstandyqtardyń zeinetaqy jinaǵynyń bir bóligin baspana men bilimge jumsaýǵa paidalaný máselesin pysyqtaýdy tapsyrdy.
