زەينەتاقى جيناعىن الۋعا رۇقسات بەرۋ ٷشٸن ٷكٸمەت قازاقستاندىقتىڭ قورداعى اقشاسى مەن ٶمٸر سٷرۋ ۇزاقتىعىنا قارايدى. بۇل تۋرالى پرەمەر-مينيستردٸڭ ورىنباسارى بەردٸبەك ساپارباەۆ ايتتى, دەپ حابارلايدى Sputnik قازاقستان.
ۆيتسە-پرەمەردٸڭ ايتۋىنشا, قازٸر زەينەتاقى جيناعىنداعى قاراجاتتى الۋعا قاتىستى مەسەلە پىسىقتالىپ جاتىر. ارنايى جۇمىس توبى قۇرىلعان.
"بٸرٸنشٸدەن, بۇل ەر ازاماتتىڭ زەينەتاقى جيناعىنا بايلانىستى بولادى. ەكٸنشٸدەن – ٶمٸر سٷرۋ ۇزاقتىعىنا. بۇل ازامات شامامەن قانشا جىل زەينەتاقى الاتىنىن ەسەپتەيمٸز. ياعني, ٶمٸرٸنٸڭ قالعان كٷندەرٸنە جيناعان قورى جەتە مە, جوق پا, سوعان قارايمىز", - دەدٸ ساپارباەۆ مەجٸلٸس كۋلۋارىندا.
ەسكە سالا كەتسەك, 2 قىركٷيەكتە قاسىم-جومارت توقاەۆ قازاقستان حالقىنا العاشقى جولداۋىندا ٷكٸمەت پەن ۇلتتىق بانك زەينەتاقى جٷيەسٸنٸڭ تيٸمدٸلٸگٸن ارتتىرۋى قاجەت ەكەنٸن ايتقان بولاتىن.
پرەزيدەنت ٷكٸمەتكە جىلدىڭ سوڭىنا دەيٸن قازاقستاندىقتاردىڭ زەينەتاقى جيناعىنىڭ بٸر بٶلٸگٸن باسپانا مەن بٸلٸمگە جۇمساۋعا پايدالانۋ مەسەلەسٸن پىسىقتاۋدى تاپسىردى.
