Aqtóbe oblysy ákimi Berdibek Saparbaev barlyq aýdan ákiminie oramal máselesin úsh aida joiýǵa tapsyrma berdi, dep habarlaidy "Ult aqparat" Aktobenews.kz portalyna silteme jasap.
Oblys ákiminiń orynbasary Erbol Nurǵalievtiń aitýynsha, mektep formasyn saqtamai júrgen oqýshylardyń sany 396-dan 197-ge deiin kemigen.
«Bul másele boiynsha Muǵaljar, Temir aýdandary jáne Aqtóbe qalasy jaqsy jumys istedi. Degenmen, bul másele kúrdeli bolyp tur. Atalǵan aýdandarmen qosa Alǵa, Shalqar, Qarǵaly, Hromtaý jáne Qobda aýdandarynyń ákimderi bul máselege erekshe nazar aýdarýlary qajet», — dedi Erbol Nurǵaliev.
Buny estigen oblys ákimi Berdibek Saparbaev óziniń orynbasaryna bul máseleni úsh aidyń ishinde sheshýge tapsyrma berdi.
«Keshe ǵana Aqordada úlken jiyn ótti. Sonda mektep formasy jaily Bilim jáne ǵylym ministrliginiń erejesi bar ekeni aityldy. Bul másele boiynsha barlyǵymyz birigip jumys isteýimiz kerek. Bul jerde ata-analar kináli. Jumys istelip jatyr, biraq nátijesi nashar. Ákimderge tapsyrma beremin: úsh aidyń ishinde 197 bala mektep formasyna kóshýleri tiis. Buǵan oblys ákiminiń orynbasary Nurǵaliev jaýapty», — dedi Berdibek Saparbaev.
