اقتٶبە وبلىسى ەكٸمٸ بەردٸبەك ساپارباەۆ بارلىق اۋدان ەكٸمٸنٸە ورامال مەسەلەسٸن ٷش ايدا جويۋعا تاپسىرما بەردٸ, دەپ حابارلايدى "ۇلت اقپارات" Aktobenews.kz پورتالىنا سٸلتەمە جاساپ.
وبلىس ەكٸمٸنٸڭ ورىنباسارى ەربول نۇرعاليەۆتٸڭ ايتۋىنشا, مەكتەپ فورماسىن ساقتاماي جٷرگەن وقۋشىلاردىڭ سانى 396-دان 197-گە دەيٸن كەمٸگەن.
«بۇل مەسەلە بويىنشا مۇعالجار, تەمٸر اۋداندارى جەنە اقتٶبە قالاسى جاقسى جۇمىس ٸستەدٸ. دەگەنمەن, بۇل مەسەلە كٷردەلٸ بولىپ تۇر. اتالعان اۋداندارمەن قوسا العا, شالقار, قارعالى, حرومتاۋ جەنە قوبدا اۋداندارىنىڭ ەكٸمدەرٸ بۇل مەسەلەگە ەرەكشە نازار اۋدارۋلارى قاجەت», — دەدٸ ەربول نۇرعاليەۆ.
بۇنى ەستٸگەن وبلىس ەكٸمٸ بەردٸبەك ساپارباەۆ ٶزٸنٸڭ ورىنباسارىنا بۇل مەسەلەنٸ ٷش ايدىڭ ٸشٸندە شەشۋگە تاپسىرما بەردٸ.
«كەشە عانا اقوردادا ٷلكەن جيىن ٶتتٸ. سوندا مەكتەپ فورماسى جايلى بٸلٸم جەنە عىلىم مينيسترلٸگٸنٸڭ ەرەجەسٸ بار ەكەنٸ ايتىلدى. بۇل مەسەلە بويىنشا بارلىعىمىز بٸرٸگٸپ جۇمىس ٸستەۋٸمٸز كەرەك. بۇل جەردە اتا-انالار كٸنەلٸ. جۇمىس ٸستەلٸپ جاتىر, بٸراق نەتيجەسٸ ناشار. ەكٸمدەرگە تاپسىرما بەرەمٸن: ٷش ايدىڭ ٸشٸندە 197 بالا مەكتەپ فورماسىنا كٶشۋلەرٸ تيٸس. بۇعان وبلىس ەكٸمٸنٸڭ ورىنباسارى نۇرعاليەۆ جاۋاپتى», — دەدٸ بەردٸبەك ساپارباەۆ.
