Úkimet basshysynyń orynbasary Berdibek Saparbaev oqýshylarǵa tálim bolar oilarymen bólisti, dep habarlaidy QazAqparat.
«Búgin sizderdiń mektepterińizge qala ákimi Altai Seidirulymen kelgen maqsatymyz – aǵalyq, ákelik boryshymyzdy aitý. Eń negizgi aitar másele: jańa maǵan bul zalda 10-11 synyptyń balalary otyr dep aitty. Qazirgi ýaqytta zaman talabyna sai bilim alýǵa barlyq múmkindik bar. Mektepterińizdi qarańyzdar. Qanshama baǵdarlama bar. Burynǵynyń bárin qoiý kerek. Blatpen túsedi, anaý-mynaý degendei. Qazir bir-aq nárse bar – basyń isteýi kerek. Sonda ǵana Amerikaǵa da, Eýropaǵa da baryp oqi alasyń – eshqandai másele joq. Myna otyrǵan aǵalaryń – Nur-Sultan qalasynyń ákimi Altai Seidiruly aýyldyń kópbalaly otbasynan shyqqan. Jaqsy oqyǵanynyń arqasynda «Bolashaq» baǵdarlamasymen oqyp, qyzmet istep júr», - dedi elordadaǵy №76 mektep-litseide oqýshylardyń aldynda sóz sóilegen Berdibek Saparbaev.
Mektepte ótip jatqan ekologiialyq saǵatqa qatysqan Úkimet basshysy óz sózinde balalarǵa barlyǵy bilimge bailanysty ekenin atap ótti.
«Ýaqytty jiberip almaý kerek. Jańa mekteptiń direktorynan qansha úiirme baryn surap otyrmyn. Adamnyń densaýlyǵy myqty bolýy kerek. Ol úshin sportpen ainalysý kerek. Adamnyń mádenieti joǵary bolý úshin óner salasyna barýy tiis. Sondyqtan, biz sizderden sol múmkindikti durys paidalanýdy suraimyz», - dedi Premer-Ministrdiń orynbasary.
Eske sala ketsek, Úkimet basshysynyń orynbasary Berdibek Saparbaev pen Nur-Sultan qalasynyń ákimi Altai Kólginov elordadaǵy №76 mektep-litseide ótken ekologiialyq saǵatqa qatysyp, mektep aýlasyna aǵash otyrǵyzǵan bolatyn.
