ٷكٸمەت باسشىسىنىڭ ورىنباسارى بەردٸبەك ساپارباەۆ وقۋشىلارعا تەلٸم بولار ويلارىمەن بٶلٸستٸ, دەپ حابارلايدى قازاقپارات.
«بٷگٸن سٸزدەردٸڭ مەكتەپتەرٸڭٸزگە قالا ەكٸمٸ التاي سەيدٸرۇلىمەن كەلگەن ماقساتىمىز – اعالىق, ەكەلٸك بورىشىمىزدى ايتۋ. ەڭ نەگٸزگٸ ايتار مەسەلە: جاڭا ماعان بۇل زالدا 10-11 سىنىپتىڭ بالالارى وتىر دەپ ايتتى. قازٸرگٸ ۋاقىتتا زامان تالابىنا ساي بٸلٸم الۋعا بارلىق مٷمكٸندٸك بار. مەكتەپتەرٸڭٸزدٸ قاراڭىزدار. قانشاما باعدارلاما بار. بۇرىنعىنىڭ بەرٸن قويۋ كەرەك. بلاتپەن تٷسەدٸ, اناۋ-مىناۋ دەگەندەي. قازٸر بٸر-اق نەرسە بار – باسىڭ ٸستەۋٸ كەرەك. سوندا عانا امەريكاعا دا, ەۋروپاعا دا بارىپ وقي الاسىڭ – ەشقانداي مەسەلە جوق. مىنا وتىرعان اعالارىڭ – نۇر-سۇلتان قالاسىنىڭ ەكٸمٸ التاي سەيدٸرۇلى اۋىلدىڭ كٶپبالالى وتباسىنان شىققان. جاقسى وقىعانىنىڭ ارقاسىندا «بولاشاق» باعدارلاماسىمەن وقىپ, قىزمەت ٸستەپ جٷر», - دەدٸ ەلورداداعى №76 مەكتەپ-ليتسەيدە وقۋشىلاردىڭ الدىندا سٶز سٶيلەگەن بەردٸبەك ساپارباەۆ.
مەكتەپتە ٶتٸپ جاتقان ەكولوگييالىق ساعاتقا قاتىسقان ٷكٸمەت باسشىسى ٶز سٶزٸندە بالالارعا بارلىعى بٸلٸمگە بايلانىستى ەكەنٸن اتاپ ٶتتٸ.
«ۋاقىتتى جٸبەرٸپ الماۋ كەرەك. جاڭا مەكتەپتٸڭ ديرەكتورىنان قانشا ٷيٸرمە بارىن سۇراپ وتىرمىن. ادامنىڭ دەنساۋلىعى مىقتى بولۋى كەرەك. ول ٷشٸن سپورتپەن اينالىسۋ كەرەك. ادامنىڭ مەدەنيەتٸ جوعارى بولۋ ٷشٸن ٶنەر سالاسىنا بارۋى تيٸس. سوندىقتان, بٸز سٸزدەردەن سول مٷمكٸندٸكتٸ دۇرىس پايدالانۋدى سۇرايمىز», - دەدٸ پرەمەر-مينيستردٸڭ ورىنباسارى.
ەسكە سالا كەتسەك, ٷكٸمەت باسشىسىنىڭ ورىنباسارى بەردٸبەك ساپارباەۆ پەن نۇر-سۇلتان قالاسىنىڭ ەكٸمٸ التاي كٶلگٸنوۆ ەلورداداعى №76 مەكتەپ-ليتسەيدە ٶتكەن ەكولوگييالىق ساعاتقا قاتىسىپ, مەكتەپ اۋلاسىنا اعاش وتىرعىزعان بولاتىن.
