Jaqynda ǵana Úkimet basshysynyń orynbasary bolyp taǵaiyndalǵan Berdibek Saparbaev halyq pen BAQ-qa ashyq bolýǵa ýáde berdi, dep habarlaidy "Ult aqparat".
Saparbaev Tuńǵysh Prezident Nursultan Nazarbaevtyń maqtaýyn qalai qabyldaǵanyn aitty
"Árine, kez kelgen adamǵa unaidy. Ári qarai budan da jaqsy jumys isteýge jigerlendiredi", - dedi Saparbaev úkimet úiinde ótken baspasóz máslihatynan keiin.
Ol vitse-premer qyzmetinde de halyq pen BAQ-qa ashyq bolatynyn aitty.
"Jańa qyzmetime kiriskenime úsh-aq kún boldy, biraq búgin sizdermen kezdesip otyrmyn. Bul - meniń ashyqtyǵymnyń alǵashqy dáleli. Men únemi ashyq boldym, solai qala beremin, BAQ ókilderimen de kezdesip turamyn", - dep ýáde berdi Úkimet basshysynyń orynbasary.
Aita ketsek, Nur Otan partiiasy saiasi keńesiniń otyrysynda Nursultan Nazarbaev ákimderdi halyqqa jaqyn bolýǵa shaqyryp, olarǵa Berdibek Saparbaevty úlgi etken edi. Elbasy ár jyldary tórt oblysty basqarǵan Saparbaevty Úkimettegi jańa qyzmetimen quttyqtady.
Berdibek Saparbaev osy jyldyń aqpan aiynda Eńbek jáne halyqty áleýmettik qorǵaý ministri bolyp taǵaiyndalǵan edi. Saparbaev vedomstvo tizginin elde kópbalaly analardyń narazylyǵy kúsheigen tusta qolǵa aldy. Buǵan deiin Aqtóbe oblysyn basqardy.
20 tamyzda Qazaqstan prezidenti Saparbaevty Úkimet basshysynyń orynbasary qyzmetine taǵaiyndady.
