جاقىندا عانا ٷكٸمەت باسشىسىنىڭ ورىنباسارى بولىپ تاعايىندالعان بەردٸبەك ساپارباەۆ حالىق پەن باق-قا اشىق بولۋعا ۋەدە بەردٸ, دەپ حابارلايدى "ۇلت اقپارات".
ساپارباەۆ تۇڭعىش پرەزيدەنت نۇرسۇلتان نازارباەۆتىڭ ماقتاۋىن قالاي قابىلداعانىن ايتتى
"ەرينە, كەز كەلگەن ادامعا ۇنايدى. ەرٸ قاراي بۇدان دا جاقسى جۇمىس ٸستەۋگە جٸگەرلەندٸرەدٸ", - دەدٸ ساپارباەۆ ٷكٸمەت ٷيٸندە ٶتكەن باسپاسٶز مەسليحاتىنان كەيٸن.
ول ۆيتسە-پرەمەر قىزمەتٸندە دە حالىق پەن باق-قا اشىق بولاتىنىن ايتتى.
"جاڭا قىزمەتٸمە كٸرٸسكەنٸمە ٷش-اق كٷن بولدى, بٸراق بٷگٸن سٸزدەرمەن كەزدەسٸپ وتىرمىن. بۇل - مەنٸڭ اشىقتىعىمنىڭ العاشقى دەلەلٸ. مەن ٷنەمٸ اشىق بولدىم, سولاي قالا بەرەمٸن, باق ٶكٸلدەرٸمەن دە كەزدەسٸپ تۇرامىن", - دەپ ۋەدە بەردٸ ٷكٸمەت باسشىسىنىڭ ورىنباسارى.
ايتا كەتسەك, Nur Otan پارتيياسى ساياسي كەڭەسٸنٸڭ وتىرىسىندا نۇرسۇلتان نازارباەۆ ەكٸمدەردٸ حالىققا جاقىن بولۋعا شاقىرىپ, ولارعا بەردٸبەك ساپارباەۆتى ٷلگٸ ەتكەن ەدٸ. ەلباسى ەر جىلدارى تٶرت وبلىستى باسقارعان ساپارباەۆتى ٷكٸمەتتەگٸ جاڭا قىزمەتٸمەن قۇتتىقتادى.
بەردٸبەك ساپارباەۆ وسى جىلدىڭ اقپان ايىندا ەڭبەك جەنە حالىقتى ەلەۋمەتتٸك قورعاۋ مينيسترٸ بولىپ تاعايىندالعان ەدٸ. ساپارباەۆ ۆەدومستۆو تٸزگٸنٸن ەلدە كٶپبالالى انالاردىڭ نارازىلىعى كٷشەيگەن تۇستا قولعا الدى. بۇعان دەيٸن اقتٶبە وبلىسىن باسقاردى.
20 تامىزدا قازاقستان پرەزيدەنتٸ ساپارباەۆتى ٷكٸمەت باسشىسىنىڭ ورىنباسارى قىزمەتٸنە تاعايىندادى.
