Qazaqstandyq Sanjar Táshkenbai Ammanda ótip jatqan bokstan Aziia chempionatynda finaldyq kezdesýin ótkizip, aiqyn basymdyqpen jeńiske jetti, - dep habarlaidy "Ult aqparat".
48 kelide baq synaǵan Táshkenbai japoniialyq Aratake Kadzýmamen aiqasqa shyqqan edi. Tóreshiler úsh raýnd qorytyndysy boiynsha jeńisti 5:0 esebimen Sanjarǵa berdi.
Oylaisha, ol erler arasynda Qazaqstan qorjynyna alǵashqy altyndy saldy.
Eske sala keteiik, munyń aldynda otandasymyz úndistandyq Govind Kýmar Sahanimen jekpe-jek ótkizgen. Tartysty kezdesýdiń birinshi raýndynda bes tóreshiniń úsheýi Sanjar basym dep tapsa, ekinshi kezeńde qazaqstandyq boksshy anyq ústem boldy. Onyń ústine úndistandyq sportshy eskertý alyp, bir upaiy shegerildi. Qorytyndy esep - 4:0.
