Foto: © iStock
Byltyrdan bastap Qazaqstan Reseige áskeri maqsattaǵy taýarlardy jetkizýdi tolyq toqtatty. Bul týraly Ortalyq kommýnikatsiialar qyzmetinde ótken brifingide Syrtqy ister ministriniń orynbasary Almas Aidarov aitty, dep habarlaidy QazAqparat agenttigi.
«Byltyrdan bastap Reseige áskeri maqsattaǵy taýarlardy jetkizýdi tolyq toqtattyq. Sonymen qatar elektrondy shot-faktýralar arqyly sanktsiia salynǵan barlyq taýarlarǵa monitoring jasalady. «Bir kúndik» kompaniialardy anyqtaimyz, iaǵni eshqandai qyzmet kórsetý boiynsha tarihy joq, bir kúnniń ishinde qurylǵan taýar jetkizýshilerge jol bermes úshin tekseris júrgiziledi. Sondyqtan, Qazaqstanǵa qatysty santsiia táýekelderi men qaýip kórip otyrǵan joqpyz. Elimiz janama santsiialardy boldyrmaý úshin sharalar qabyldap otyr», - dedi ministrdiń orynbasary BAQ ókilderiniń saýalyna jaýap bere otyryp.
Sondai-aq, Almas Aidarov Reseige salynǵan sanktsiialar eki el arasyndaǵyy dástúrli saýda-sattyqqa áser etetin bolsa, onda onyń zardaby aýyr bolatynyn jetkizdi.
«Biz úshin sanktsiia salynýy yqtimal elder orbitasyna túskenimizdiń ózi - zor qaýip. Qazaqstannyń mundai memeleketter qataryna qosylmaǵany mańyzdy. Bárimiz bilemiz, Reseige qatysty yqtimal sanktsiialardyń barlyǵy qoldanyldy. Endi ol janama sanktsiialarǵa ulasýy múmkin. Al, Qazaqstannyń Reseimen aradaǵy taýar ainalymy jyl saiyn 25 mlrd dollar kóleminde. Eger qazir bizdiń dástrúrli saýda-sattyǵymyzǵa sanktsiia áser etse, onda onyń Qazaqstan men Reseige tigizetin saldary aýyr bolady. Sondyqtan bizdiń jumystyń barlyǵy sanktsiiaǵa túspeýge baǵyttalady», - dep túiindedi Almas Aidarov.
