فوتو: © iStock
بىلتىردان باستاپ قازاقستان رەسەيگە ەسكەري ماقساتتاعى تاۋارلاردى جەتكٸزۋدٸ تولىق توقتاتتى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە سىرتقى ٸستەر مينيسترٸنٸڭ ورىنباسارى الماس ايداروۆ ايتتى, دەپ حابارلايدى قازاقپارات اگەنتتٸگٸ.
«بىلتىردان باستاپ رەسەيگە ەسكەري ماقساتتاعى تاۋارلاردى جەتكٸزۋدٸ تولىق توقتاتتىق. سونىمەن قاتار ەلەكتروندى شوت-فاكتۋرالار ارقىلى سانكتسييا سالىنعان بارلىق تاۋارلارعا مونيتورينگ جاسالادى. «بٸر كٷندٸك» كومپانييالاردى انىقتايمىز, ياعني ەشقانداي قىزمەت كٶرسەتۋ بويىنشا تاريحى جوق, بٸر كٷننٸڭ ٸشٸندە قۇرىلعان تاۋار جەتكٸزۋشٸلەرگە جول بەرمەس ٷشٸن تەكسەرٸس جٷرگٸزٸلەدٸ. سوندىقتان, قازاقستانعا قاتىستى سانتسييا تەۋەكەلدەرٸ مەن قاۋٸپ كٶرٸپ وتىرعان جوقپىز. ەلٸمٸز جاناما سانتسييالاردى بولدىرماۋ ٷشٸن شارالار قابىلداپ وتىر», - دەدٸ مينيستردٸڭ ورىنباسارى باق ٶكٸلدەرٸنٸڭ ساۋالىنا جاۋاپ بەرە وتىرىپ.
سونداي-اق, الماس ايداروۆ رەسەيگە سالىنعان سانكتسييالار ەكٸ ەل اراسىنداعىى دەستٷرلٸ ساۋدا-ساتتىققا ەسەر ەتەتٸن بولسا, وندا ونىڭ زاردابى اۋىر بولاتىنىن جەتكٸزدٸ.
«بٸز ٷشٸن سانكتسييا سالىنۋى ىقتيمال ەلدەر وربيتاسىنا تٷسكەنٸمٸزدٸڭ ٶزٸ - زور قاۋٸپ. قازاقستاننىڭ مۇنداي مەمەلەكەتتەر قاتارىنا قوسىلماعانى ماڭىزدى. بەرٸمٸز بٸلەمٸز, رەسەيگە قاتىستى ىقتيمال سانكتسييالاردىڭ بارلىعى قولدانىلدى. ەندٸ ول جاناما سانكتسييالارعا ۇلاسۋى مٷمكٸن. ال, قازاقستاننىڭ رەسەيمەن اراداعى تاۋار اينالىمى جىل سايىن 25 ملرد دوللار كٶلەمٸندە. ەگەر قازٸر بٸزدٸڭ دەسترٷرلٸ ساۋدا-ساتتىعىمىزعا سانكتسييا ەسەر ەتسە, وندا ونىڭ قازاقستان مەن رەسەيگە تيگٸزەتٸن سالدارى اۋىر بولادى. سوندىقتان بٸزدٸڭ جۇمىستىڭ بارلىعى سانكتسيياعا تٷسپەۋگە باعىتتالادى», - دەپ تٷيٸندەدٸ الماس ايداروۆ.
