Sanitariialyq rejimdi buzýǵa jol bergenderge qatań shara qoldaný kerek Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Jalpy epidemiologiialyq jaǵdai turaqty bolyp tur. Infektsiialyq aýrýhanalardaǵy oryndardyń júktemesi 30 paiyz, al reanimatsiialyq oryndardyń júktemesi 26 paiyzdy qurap otyr. Degenmen, bul aýrýdyń Eýropanyń birqatar elderinde jáne de shekaralas elderde óskenin eskersek, sanitariialyq talap is-sharalary jappai saqtalýǵa tiis. Barlyq óńirlerde ákimdikter sanitariialyq talaptardyń saqtalýyn baqylaityn monitoring toptarynyń jumysy men tiimdiligin kúsheitsin. Sanitariialyq rejimdi buzýǵa jol bergenderge qatań shara qoldaný kerek», - dedi Úkimet basshysy.
Onyń dereginshe, qazirgi ýaqytta 8,5 mln-nan astam adam birinshi komponentti, 7,7 mln adam ekinshi komponentti saldyrdy. Al 22 qarashadan bastap revaktsinatsiialaý bastalady.
«Osyǵan bailanysty egý pýnktteriniń, meditsina uiymdary men meditsina jumyskerleriniń ázirligin qamtamasyz etý qajet», - degen Asqar Mamin jalpy baqylaýdy orynbasary Eraly Toǵjanovqa júktedi.
