Sanaýly kúnnen soń tórtjyldyqtyń basty dodasy bastalady. Phenchhanda (Ońtústik Koreia) ótetin HHIII qysqy Olimpiadanyń bastalýyna da az ýaqyt qaldy. Tórtkúl dúnie asyǵa kútken doda álemniń 92 elinen 2925 sportshy qatysady. Bul týraly jarystyń resmi saity habarlady.
Qazaqstan ulttyq quramasy 9 sport túrinen 57 litsenziia ielendi. Atap aitsaq: biatlon — 10, short-trek — 12, konkimen júgirý sporty — 12, shańǵy jarysy — 7, mánerlep syrǵanaý — 3, fristail mogýl — 4, fristail akrobatika — 5, taý shańǵy sporty — 2, shańǵymen tramplinnen sekirý — 1, shana sporty — 1.
Sportshylar sany eń kóp el ádettegidei – AQSh. Ekinshi orynda – Kanada. AQSh-tyń atynan barlyq sport túri boiynsha 142 sportshy qatyssa, úieńki japyraqty elden 242 sportshy baq synaidy. HHIII qysqy Olimpiada oiyndaryna alǵash ret qatysaiyn dep jatqan elder de bar.
Aita keteiik, Qazaqstan qysqy Olimpiada oiyndaryna alǵash ret jeke komanda retinde 1994 jyly Lillehammer qalasynda óner kórsetken. HHIII qysqy Olimpiada oiyndary 2018 jyldyń 9–25 aqpan aralyǵynda ótedi. Barlyq sport túri boiynsha 102 medal sarapqa salynady.
