Qazaqstanda Pfizer vaktsinasyn egýge bolatyn sanat keńeitildi. Bul týraly QR densaýlyq saqtaý vitse-ministri — Qazaqstan Respýblikasynyń bas memlekettik sanitar dárigeri Aijan Esmaǵambetova aitty, dep habarlaidy QazAqparat.
«Dál osy qaýly arqyly Pfizer vaktsinasyn egýge bolatyn sanat keńeitildi. Buǵan deiin aitylǵan 12-18 jas aralyǵyndaǵy jasóspirimder, júkti jáne bala emizetin áielderge qosa, endi barlyq toptaǵy múgedektigi bar adamdar da Pfizer ektire alady. Sonymen birge, barlyq toptaǵy múgedektigi bar jandar Pfizer-men revaktsina alady», - dedi Aijan Esmaǵambetova QR DSM uiymdastyrǵan onlain dáriste.
Odan bólek, bas memlekettik sanitar dárigerdiń aitýynsha, 50 jastan asqan qazaqstandyqtar da Pfizer vaktsinasymen revaktsina jasatý quqyǵyna ie bolady.
Buǵan deiin Pfizer tek 60 jastan asqan turǵyndarǵa salynyp kelgen edi.
«Shetelde Pfizer-diń birinshi komponentin alyp, ekinshisine úlgermegender de Qazaqstanda Pfizer-diń ekinshi komponentin sala alady. Iaǵni, olarǵa vaktsinalaý kýrsyn tolyq alýǵa múmkindik beriledi. Ol úshin aldyn ala jazylýdyń qajeti joq. Vaktsina eldiń barlyq ekpe beketinde qoljetimdi», - dep túsindirdi Esmaǵambetova.
