Astanada Bolat Jámishevtiń tóraǵalyǵymen «Samuryq-Qazyna» AQ Qoǵamdyq keńesiniń qarjy nátijelerine arnalǵan otyrysy ótti, dep habarlaidy ult.kz.
«Samuryq-Qazyna» AQ Ekonomika jáne qarjy jónindegi basqarýshy direktory Aidar Rysqulovtyń aitýynsha, 2026 jyldyń 6 aiyndaǵy negizgi qarjylyq kórsetkishter ótken jyldyń sáikes kezeńimen salystyrǵanda oń dinamikany kórsetti: túsim 21%-ǵa, taza paida 18%-ǵa, EBITDA 15%-ǵa ósti.
Óndiristiń birqatar kórsetkishteri, onyń ishinde ýran óndirý kólemi, júk ainalymy jáne tranzit boiynsha da oń dinamika baiqalady.
«Samuryq-Qazyna» aktivter kólemi boiynsha 2025 jylǵy SWFI reitingine sáikes álemdegi 21 iri táýelsiz ál-aýqat qorynyń qataryna kiredi. Aktivter kólemi turaqty ósip keledi: 2022 jylǵy 33,6 trln teńgeden 2026 jyldyń birinshi jartyjyldyǵynyń qorytyndysy boiynsha 46,7 trln teńgege deiin ósti (jyl saiyn orta eseppen 10%-ǵa). Rysqulovtyń aitýynsha, 2026 jylǵy qańtar-maýsym aralyǵyndaǵy ósim shamamen 5%-dy qurady, bul ortasha ósý qarqynyna sáikes keledi.
Qordyń negizgi mindetteri: portfeldik kompaniialardyń quny men taza aktivterin odan ári arttyrý, sondai-aq Qazaqstan ekonomikasyna tikelei sheteldik investitsiialar tartýǵa yqpal etý.
Qordyń qarjylyq turaqtylyǵy halyqaralyq kredittik reitingtermen de rastalǵan: Fitch Ratings – BBB, boljamy – «Turaqty»; Moody’s – Baa1, boljamy – «Turaqty».
