«Samuryq-Qazyna» aktivterin dál biyl jekeshelendirýdiń aitarlyqtai qaýpi bar. «Samuryq-Qazyna» UÁQ» AQ aktivterdi basqarý jáne jekeshelendirý jónindegi direktsiia basshysy Almasadam Satqaliev osylai dedi, dep habarlaidy QazAqparat.
«Úkimetke kompaniialardy jekeshelendirý boiynsha bergen usynysymyzdyń negizgi máni merzimnen buryn – sapaǵa basa mán berý. Iaǵni, dál biylǵy jekeshelendirý biz kútken nátijege qol jetkizbeidi. Tipti, bul baǵdarlamany iske asyrýdyń belgili bir qaýpi de barshylyq. Sol sebepti indikativti merzimderdi tańdap aldyq», - dedi Almasadam Satqaliev tikelei efirde ótip jatqan baspasóz máslihatynda.
Dese de, direktsiia basshysy jaqsy investorlar tabylyp jatsa keibir kompaniialardy josparlanǵan merziminen buryn jekeshelendirýge bolatynyn aityp ótti.
«Máselen, «Qazposhtany» 2021 jyly jekeshelendirý kózdelgen. Degenmen, jaqsy investor tabylyp, múddemiz eskerilse, jaily naryqtyq jaǵdaida – biz ony erterek jekeshelendirýge daiynbyz», - dedi ol.
Búgingi onlain efir barysynda Almasadam Satqaliev «Samuryq-Qazyna» aktivterin biyl IRO-ǵa shyǵarýda aitarlyqtai qaýip baryn málim etti. Iaǵni qazir IRO-ǵa qoiylǵan jaǵdaida kompaniialar baǵa jáne kólemi jaǵynan Úkimet qoiǵan parametrlik bazalarǵa jetpei qalýy múmkin. Onyń aitýynsha, 2021 jyly jekeshelendiriletin iri aktivterdiń ishinde tek «Qazposhta» pen «Samuryq Energo» bar. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompaniiasy, 2023 jyly «Qazaqstan temir joly» jekeshelendirilmek.
Sonymen qatar Almasadam Satqaliev «Samuryq-Qazyna» aktivterin dál biyl jekeshelendirýdiń aitarlyqtai qaýpi baryn aitqan edi.
