QR parlamenti Májilisiniń depýtaty Nurtai Sabilianov Bnews.kz saityna bergen suhbatynda «Samuryq-Qazyna» UÁQ» AQ sońǵy jyldardaǵy shyǵystary men kiristerin saralai kelip, Qorǵa memlekettik biýdjetten qarjy bólýdi toqtatý kerek dep málimdedi. Depýtattyń aitýynsha, kompaniia biýdjet qarjysyn tiimsiz paidalanyp otyr.
Depýtat bundai málimdeme jasar aldynda, óziniń «Samuryq-Qazyna» UÁQ AQ-na depýtattyq saýal joldap, oǵan alǵan tiisti jaýabyn saralap alǵanyn jetkizdi. N.Sabilianov Qordyń jarǵylyq kapitalyndaǵy 5,0 trillion teńge salymnan, nege aýyz toltyryp aitatyn dividendterdiń joǵyn suraǵan. Jaýabynda Qor basshysynyń orynbasary Elena Bahmýtova byltyrǵydan /2014/ 30%-ǵa kóp, iaǵni 304 mlrd.teńge taza tabys alǵandaryn baiandaǵan.
Alaida depýtat, «Samuryq-Qazyna» Qorynyń shoǵyrlandyrylǵan qarjylyq eseptiligin zerdeleý kezinde, bul «Samuryq-Qazyna» UÁQ AQ-nyń tiimdi jumysy emes ekendigi anyqtaǵan. N.Sabilianov Qor neniń arqasynda taban asty tabysqa kenele qalǵanyn bylaisha túsindiredi.
«Birinshiden, Samuryq-Qazyna Qory 683 mlrd.teńge paidany oń baǵam aiyrmashylyǵy arqasynda alǵan, onyń ishinde QazMunaiGaz BÓ-de 448,9 mlrd.teńge, iaǵni dollar baǵamynyń kúrt ósýinen bolǵan (teńgeniń qunsyzdanýyna deiin jáne keiin de qarajat dollarmen bankide bolǵan). Ekinshiden, «Samuryq-Qazyna» UÁQ AQ 261 mlrd.teńge paidasy, tabysy KMG International kásiporynyń aktsiialaryn satý esebinen alynǵan. Úshinshiden, 149 mlrd.teńge paida birlesken jáne qaýymdasqan kompaniialardan túsken tabys», — dep Qordyń ár tabysyn jeke jeke jiliktep beredi.
Al Qordyń shyǵyndardy taldaǵanda báribir kirispen sáikes kelmeitinin aitady.
«Operatsiialyq qyzmetten shyǵystar 2015 jyly — 481 mlrd teńge bolǵan. Sonyń ishinde 292 mlrd teńgeni quraityn «qunsyzdaný» baby boiynsha kórsetilgen shyǵyn – bul menedjmenttiń tiimsizdiginiń tikelei kórsetkishi, sebebi ol túrli tenderlerde negizgi qural-jabdyqtar alý kezindegi kóterińki baǵa úshin, sonymen qatar jalǵan kásipkerlikpen bailanysty aiyppul men ósimpul úshin bolǵan. Osylaisha, 2015 jyly negizgi qural-jabdyqtarǵa qunsyzdaný 132mlrd teńge bolǵan qosymsha qun salyǵynyń qunsyzdanýy 54,0 mlrd teńgeni qurady jáne basqa da pozitsiialar boiynsha 106 mlrd teńge» , -deidi N.Sabilianov.
Osylaisha Qordyń shyǵysy men kirisin jiliktep bergen depýtat Esep Komitetinen Qordy tekserý kezinde qunsyzdaý máselesine nazar aýdarýdy surady.
Depýtat keltirgen taǵy bir derek. 2015 jyly Samuryq-Qazyna Qorynyń jalpy jáne ákimshilik shyǵystary 380 mlrd teńgeni quraǵan, ótken jylǵymen /2014 j./ salystyrǵanda bul 24,0 mlrd teńgege ósken. Jalaqy men konsýltatsiialyq shyǵynnyń ósimi 12 mlrd teńge bolǵan.
«Osylaisha, Elena Bahmýtovanyń Májiliste baiandaǵan Samuryq-Qazyna Qorynyń qyzmetiniń barlyq tabystylyǵy Qor menedjmentiniń tiimdiliginen emes ekeni kórinip tur. Bul salyqtyń tómendeýi men oń baǵam aiyrmashylyǵy arqasynda ǵana bolǵan. Sonymen qatar, taǵy da bir aitatyn másele, 2015 jyldyń 31 jeltoqsanynda «Samuryq-Qazyna» Qorynyń kredittik mekemelerde, banktterde 2 158 mlrd teńge qarajaty bolǵan, sonyń ishinde bankilik depozitterde 1 800 mlrd teńge», — deidi depýtat Nurtai Sabilianov.
Mine, osyndai naqty sebepterge bailanysty depýtat Nurtai Sabilianov «Samuryq-Qazyna» Qorynyń jarǵylyq kapitalyna respýblikalyq biýdjetten qarajat berýdi toqtatý kerek dep esepteidi.
Sabilianov keltirgen sandar bunymen de bitken joq. Depýtattyń deregi boiynsha, «Samuryq-Qazyna» Qorynyń taza tabysyn bólgen kezde onyń kem degende 70% dividend retinde respýblikalyq biýdjetke aýdarylý kerek eken. Al ótken jyldarda bul 12%-15% ǵana quraǵan (2014 j. — Qor 271 mlrd.teńge taza tabys alǵan, al biýdjetke tólengen dividend 34 mlrd.teńge bolǵan, bul 13%).
«Memlekettik paketterge Samuryq-Qazynanyń birlesken kásiporyndar men qaýymdasqan kompaniialarmen tólengen dividendter tikelei respýblikalyq biýdjetke aýdarylý kerek», — deidi depýtat.
Mine, osy keltirilgen naqty dálelderge bailanysty depýtat N.Sabilianov, jalpy kvazimemlekettik sektor sýbektileriniń qyzmetiniń tiimdiligin baǵalaityn júieni ázirleý qajet dep esepteidi.
