سامۇرىق-قازىناعا مەملەكەتتٸك بيۋدجەتتەن قارجى بٶلۋدٸ توقتاتۋ كەرەك

دەپۋتات بۇنداي مەلٸمدەمە جاسار الدىندا, ٶزٸنٸڭ «سامۇرىق-قازىنا» ۇەق اق-نا دەپۋتاتتىق ساۋال جولداپ, وعان العان تيٸستٸ جاۋابىن سارالاپ العانىن جەتكٸزدٸ. ن.سابيليانوۆ قوردىڭ جارعىلىق كاپيتالىنداعى 5,0 تريلليون تەڭگە سالىمنان, نەگە اۋىز تولتىرىپ ايتاتىن ديۆيدەندتەردٸڭ جوعىن سۇراعان. جاۋابىندا قور باسشىسىنىڭ ورىنباسارى ەلەنا باحمۋتوۆا بىلتىرعىدان /2014/ 30%-عا  كٶپ, ياعني 304 ملرد.تەڭگە تازا تابىس العاندارىن بايانداعان.

الايدا دەپۋتات, «سامۇرىق-قازىنا» قورىنىڭ شوعىرلاندىرىلعان قارجىلىق ەسەپتٸلٸگٸن زەردەلەۋ كەزٸندە, بۇل «سامۇرىق-قازىنا» ۇەق اق-نىڭ تيٸمدٸ جۇمىسى ەمەس ەكەندٸگٸ انىقتاعان. ن.سابيليانوۆ قور نەنٸڭ ارقاسىندا تابان استى تابىسقا كەنەلە قالعانىن بىلايشا تٷسٸندٸرەدٸ.

«بٸرٸنشٸدەن, سامۇرىق-قازىنا قورى  683 ملرد.تەڭگە پايدانى  وڭ باعام ايىرماشىلىعى  ارقاسىندا العان, ونىڭ ٸشٸندە قازمۇنايگاز بٶ-دە 448,9 ملرد.تەڭگە, ياعني دوللار باعامىنىڭ كٷرت ٶسۋٸنەن بولعان (تەڭگەنٸڭ قۇنسىزدانۋىنا دەيٸن جەنە كەيٸن دە قاراجات دوللارمەن بانكٸدە بولعان). ەكٸنشٸدەن, «سامۇرىق-قازىنا» ۇەق اق 261 ملرد.تەڭگە پايداسى, تابىسى KMG International كەسٸپورىنىڭ اكتسييالارىن ساتۋ ەسەبٸنەن  الىنعان. ٷشٸنشٸدەن, 149 ملرد.تەڭگە پايدا بٸرلەسكەن جەنە قاۋىمداسقان كومپانييالاردان تٷسكەن تابىس», — دەپ قوردىڭ ەر تابىسىن جەكە جەكە جٸلٸكتەپ بەرەدٸ.

ال قوردىڭ شىعىنداردى تالداعاندا بەرٸبٸر كٸرٸسپەن سەيكەس كەلمەيتٸنٸن ايتادى.

«وپەراتسييالىق قىزمەتتەن شىعىستار 2015 جىلى —  481 ملرد تەڭگە بولعان. سونىڭ ٸشٸندە 292 ملرد تەڭگەنٸ قۇرايتىن «قۇنسىزدانۋ» بابى بويىنشا كٶرسەتٸلگەن شىعىن – بۇل مەنەدجمەنتتٸڭ تيٸمسٸزدٸگٸنٸڭ تٸكەلەي كٶرسەتكٸشٸ, سەبەبٸ ول تٷرلٸ تەندەرلەردە نەگٸزگٸ قۇرال-جابدىقتار الۋ كەزٸندەگٸ كٶتەرٸڭكٸ باعا ٷشٸن, سونىمەن قاتار جالعان كەسٸپكەرلٸكپەن بايلانىستى ايىپپۇل مەن ٶسٸمپۇل ٷشٸن  بولعان. وسىلايشا, 2015 جىلى نەگٸزگٸ قۇرال-جابدىقتارعا قۇنسىزدانۋ 132ملرد تەڭگە بولعان قوسىمشا قۇن سالىعىنىڭ قۇنسىزدانۋى  54,0 ملرد تەڭگەنٸ قۇرادى جەنە باسقا دا پوزيتسييالار بويىنشا 106 ملرد تەڭگە» , -دەيدٸ ن.سابيليانوۆ.

وسىلايشا قوردىڭ شىعىسى مەن كٸرٸسٸن جٸلٸكتەپ بەرگەن دەپۋتات ەسەپ كوميتەتٸنەن قوردى تەكسەرۋ كەزٸندە قۇنسىزداۋ مەسەلەسٸنە نازار اۋدارۋدى سۇرادى.

 دەپۋتات كەلتٸرگەن تاعى بٸر دەرەك. 2015 جىلى سامۇرىق-قازىنا قورىنىڭ جالپى جەنە ەكٸمشٸلٸك شىعىستارى 380 ملرد تەڭگەنٸ قۇراعان, ٶتكەن جىلعىمەن /2014 ج./ سالىستىرعاندا  بۇل 24,0 ملرد تەڭگەگە ٶسكەن. جالاقى مەن كونسۋلتاتسييالىق شىعىننىڭ ٶسٸمٸ 12 ملرد تەڭگە بولعان.

«وسىلايشا, ەلەنا باحمۋتوۆانىڭ  مەجٸلٸستە بايانداعان سامۇرىق-قازىنا قورىنىڭ قىزمەتٸنٸڭ  بارلىق تابىستىلىعى قور مەنەدجمەنتٸنٸڭ تيٸمدٸلٸگٸنەن ەمەس ەكەنٸ كٶرٸنٸپ تۇر. بۇل سالىقتىڭ تٶمەندەۋٸ مەن وڭ باعام ايىرماشىلىعى ارقاسىندا عانا بولعان. سونىمەن قاتار, تاعى دا بٸر ايتاتىن مەسەلە, 2015 جىلدىڭ 31 جەلتوقسانىندا «سامۇرىق-قازىنا» قورىنىڭ كرەديتتٸك مەكەمەلەردە, بانكتتەردە 2 158 ملرد تەڭگە قاراجاتى بولعان, سونىڭ ٸشٸندە بانكٸلٸك دەپوزيتتەردە 1 800 ملرد تەڭگە», — دەيدٸ دەپۋتات نۇرتاي سابيليانوۆ.

مٸنە, وسىنداي ناقتى سەبەپتەرگە بايلانىستى دەپۋتات نۇرتاي سابيليانوۆ  «سامۇرىق-قازىنا» قورىنىڭ جارعىلىق كاپيتالىنا رەسپۋبليكالىق بيۋدجەتتەن قاراجات بەرۋدٸ توقتاتۋ كەرەك دەپ ەسەپتەيدٸ.

سابيليانوۆ كەلتٸرگەن ساندار بۇنىمەن دە بٸتكەن جوق. دەپۋتاتتىڭ دەرەگٸ بويىنشا, «سامۇرىق-قازىنا» قورىنىڭ تازا تابىسىن بٶلگەن كەزدە ونىڭ كەم دەگەندە 70% ديۆيدەند رەتٸندە رەسپۋبليكالىق بيۋدجەتكە اۋدارىلۋ كەرەك ەكەن. ال ٶتكەن جىلداردا بۇل 12%-15% عانا قۇراعان (2014 ج. — قور 271 ملرد.تەڭگە تازا تابىس العان, ال  بيۋدجەتكە تٶلەنگەن ديۆيدەند 34 ملرد.تەڭگە بولعان, بۇل 13%).

«مەملەكەتتٸك پاكەتتەرگە سامۇرىق-قازىنانىڭ بٸرلەسكەن كەسٸپورىندار مەن قاۋىمداسقان كومپانييالارمەن تٶلەنگەن ديۆيدەندتەر  تٸكەلەي رەسپۋبليكالىق بيۋدجەتكە اۋدارىلۋ كەرەك», — دەيدٸ دەپۋتات.

مٸنە, وسى كەلتٸرٸلگەن ناقتى دەلەلدەرگە بايلانىستى دەپۋتات ن.سابيليانوۆ, جالپى كۆازيمەملەكەتتٸك سەكتور سۋبەكتٸلەرٸنٸڭ قىزمەتٸنٸڭ تيٸمدٸلٸگٸن باعالايتىن جٷيەنٸ ەزٸرلەۋ قاجەت دەپ ەسەپتەيدٸ.