«Samuryq-Qazyna» Ulttyq ál-aýqat qory» AQ basqarma tóraǵasynyń orynbasary bolyp Alik Aidarbaev taǵaiyndaldy, dep habarlaidy "Ult aqparat".
«Samuryq-Qazyna» UÁQ baspasóz qyzmeti Alik Aidarbaevtyń taǵaiyndalǵany týraly aqparatty rastady.
Sonymen birge, baspasóz qyzmeti «Samuryq-Qazyna» UÁQ» AQ-nyń jańa qurylymy bekitilgenin habarlady. Jańa qurylymǵa sáikes, basqarýshy direktorlar sany 10-nan 5-ke deiin, departamentter men qurylymdyq bólimshelerdiń sany 37-den 27-ge deiin qysqardy. Basqarma tóraǵasynyń orynbasary qyzmetine bir shtattyq birlik engizildi.
«Qurylymǵa ózgerister engizý - basqarýdyń ońtailylyǵyn jáne tiimdiligin arttyrý, «Samuryq-Qazyna» UÁQ transformatsiiasy protsesine tereń úńilý, aktivterdi basqarýda satyly qurylym engizý jáne Qor quramyna kiretin ulttyq kompaniialardyń ekonomikalyq tiimdiligin arttyrý mindettemeleri aiasynda qajet boldy», - delingen baspasóz habarlamasynda.
Jańa qurylymnyń jumysy osy jyldyń 11 qańtarynan bastaldy.
55 jastaǵy Alik Aidarbaev ár jyldary «Ońtústikqazmunaigaz» Memlekettik aktsionerlik qoǵamynda bas direktor orynbasary, vitse-prezident, «Qumkól-Lýkoil» kompaniiasynyń, «Mańǵystaýmunaigaz» AQ-nyń bas direktory, «QazMunaiGaz» UK» AQ-nyń óndirý boiynsha atqarýshy direktory qyzmetterin atqarǵan.
2011-2013 jyldary «QazMunaiGaz» Barlaý Óndirý» AQ bas direktory bolǵan. 2013 jyldyń 22 qańtarynan bastap Alik Aidarbaev Mańǵystaý oblysynyń ákimi laýazymynda eńbek etken.
2017 jyldyń naýryzynda QR Investitsiialar jáne damý vitse-ministri bolyp taǵaiyndaldy.
