"Samuryq-Qazyna" qory Reseige qarsy sanktsiialardy buzatyn barlyq jobadan shyǵýǵa daiyn. Bul týraly qor basshysy Almasadam Satqaliev málimdedi, dep habarlaidy Sputnik Qazaqstan.
Basqarma tóraǵasy ulttyq ál-aýqat qory geosaiasi jaǵdaiǵa bailanysty týyndaǵan barlyq sanktsiiany tolyq oryndap otyrǵanyn atap ótti. Dálirek aitqanda, portfeldik kompaniialarǵa jetekshi zań kompaniialary tartylǵan. Olar kez kelgen, sonyń ishinde janama sanktsiialarǵa iligip ketpeý úshin qor bekitetin kelisimsharttardy baqylaidy jáne saraptama jasaidy.
"Sanktsiiaǵa iligýi múmkin áleýetti seriktestermen nemese sanktsiialyq tulǵa sanalatyn aktsionerlermen jasalatyn aǵymdaǵy kelisimsharttarǵa "sanktsiialyq eskertpe" engizilgen. Ol "Samuryq-Qazyna" men portfeldik kompaniialarynyń jobalardan shyǵynsyz shyǵýyn kózdeidi", - dedi Satqaliev ortalyq kommýnikatsiialar qyzmetinde ótken baspasóz máslihatynda.
Aitýynsha, "Samuryq-Qazyna" qory syrtqy ister ministrligimen, AQSh-tyń sheteldik aktivterdi baqylaý basqarmasymen, shet elderdiń elshilerimen turaqty bailanysta.
Qor aktivteri men kompaniialarynyń sanktsiiaǵa iligýine jol bermeý úshin tiisti konsýltatsiialar júrgiziledi.
