«Samuryq-Qazyna» kompaniialar tobynyń shoǵyrlandyrylǵan esep berýlerin jariialaǵannan keiin sarapshylarda ádil suraq paida boldy: onda qordyń óziniń qyzmetteriniń nátijeleri kórsetildi me? Bul máseleni ádil baǵalaýǵa «Samuryq-Qazyna» AQ qarjy jáne operatsiialar boiynsha basqarýshy direktor mindetin atqarýshy Ernar Janádil talpyndy.
Top-menedjer qordyń strategiiaǵa sáikes «strategiialyq holding – belsendi investor» maqsattyq biznes-modeline ótetindigin jáne keleshekte fokýs bólek qarjy eseptiligi baǵytyna qarai jyljýy tiis ekenin eske saldy. Alaida, osy kezeńde korporativtik ortalyqtyń qyzmet nátijelerin eseptiliktiń eki formaty negizinde baǵalaý ádilettirek, biraq shoǵyrlandyrylǵan qarjy eseptiligi arqyly búkil kompaniialar tobynyń qyzmetine basa nazar aýdarý kerek.
«Portfeldik kompaniialarǵa investitsiialar balanstyq tarihi quny boiynsha bólek qarjy eseptiliginde eskeriledi. Bul jaǵdaida taza paida túrinde tanylǵan enshiles kompaniialardyń nátijeleri bólek qarjy eseptiliginde «portfeldik kompaniialarǵa investitsiialar» quramynda esepke alynbaidy. Osylaisha, bólek eseptilikterde kórsetilgen investitsiialaryń balanstyq quny negizinde enshiles kompaniialardyń nátijelerine qordyń áseri týraly qorytyndy jasaý qiyn, ári sonshalyqty oryndy emes», - dep atap ótti Ernar Janádil.
Bólek qarjy eseptiliginen enshiles kompaniialardyń nátijelerine qor áseri týraly duys tujyrymdy enshiles uiymdarǵa investitsiialar ádiletti nemese naryqtyq qun boiynsha eskeriletin kezde ǵana jasaýǵa bolady. Iaǵni, búgingi tańda bólek qarjy eseptiligi negizinde qordyń strategiialyq qarjy salymdary týraly qorytyndy jasaý qiyn.
Sonymen qatar, korporativtik ortalyq qazir búkil top boiynsha korporativtik basqarý deńgeiin arttyrýǵa belsendi túrde qatysýda. Shyǵyndardy qysqartý baǵdarlamasy, elektrondyq satyp alý aqparattyq júiesi men qazynashylyqtyń aqparattyq-analitikalyq júiesi jan-jaqty engizilýde, kadrlyq saiasatty odan ary damyta túsý iske qosyldy, qor toby boiynsha tiptik biznes-protsester ońtailandyryldy. Bunyń bári korporativtik nátijelerde shyǵyndardyń qysqartylýy retinde áser etedi. «Elektrondyq satyp alý aqparattyq júiesin engizýdegi shyǵyndardan únemdeý áseri 2014 jyldan 2016 jylǵa deiin 180 mlrd. teńgeden astamdy qurady. Shyǵyndardy qysqartý baǵdarlamasy 150 mlrd. teńgeden artyq shyǵyndy azaitýǵa múmkindik berdi. «qazynashylyq qyzmetin basqarý maqsattyq modeli» jobasynyń taza áseri 2014 jyldan 2016 jylǵa deiin 60 mlrd. teńgeden artyq», - dep mysaldar keltirdi top-menedjer.
Esterińizge sala keteiik, 2017 jyldyń naýryz aiynda «Samuryq-Qazyna» AQ resmi saitynda jańa bólim - «Korporativtik blog» iske qosyldy, onda Qor top-menedjerleri ózderiniń tájiribeleri, jetekshilik etetin baǵyttary men jobalary týraly aityp, ekonomikada jine Qorda bolyp jatqan ár- túrli is-sharalar týraly kózqarastarymen bólisedi.
