«Samuryq-Qazyna» ulttyq ál-aýqat qorynyń qansha qaryzy bary belgili boldy, dep habarlaidy QazAqparat.
«Qazir qordyń jalpy qaryzy – shamamen 10 trillion teńge. Qaryzdyń aýqymdy úlesi «QazMunaiGaz» jáne «Qazaqstan temir joly» kompaniiasyna tiesili. Qordyń odan basqa da boryshtary bar.
«QazMunaiGaz» kompaniiasyna keletin bolsaq, qarjy tiimdi jobalarǵa tartyldy. Munai baǵasy aitarlyqtai joǵary, sondyqtan qaryzdy qaitarý boiynsha eshqandai kúmán joq. Jobalar ózin-ózi aqtaidy.
Qordyń óz qaryzyna kelsek, qarjy «Qashaǵan» úlesin satyp alýǵa tartyldy. Bul úles «QazMunaiGaz» ulttyq kompaniiasynyń bazasy men IPO-ǵa shyǵý múmkindigin ulǵaitady», - dedi Almasadam Sátqaliev Ortalyq kommýnikatsiialar qyzmeti alańynda ótken baspasóz máslihatynda.
Sondai-aq, qor basshysy «Qazaqstan temir joly» kompaniiasynyń qaryzyna qatysty túsinik berdi.
«Qazaqstan temir joly» kompaniiasynyń obligatsiialaryn satyp aldyq. QTJ jelisi boiynsha tranzit aiasy keńeiip jatyr. QTJ qyzmetiniń Qytai, Eýropa boiynsha ulǵaiýyn eskersek, kompaniia óz qaryzyn tolyq kólemde ótei alady dep esepteimiz», - deidi ol.
