"Samuryq-Qazyna" qorynyń basshysy Almasadam Sátqaliev qor kompaniialary tobyndaǵy jalaqy mólsheri týraly aitty, - dep habarlaidy Tengrinews.kz agenttigi.
"Kvazimemlekettik sektor sýbektileriniń jalaqysy boiynsha, olardy negizgi memlekettik qyzmetkerlerdiń, memlekettik organdar jalaqysymen salystyrýǵa keledi. Anaý aitqandai úsh eselengen jalaqy joq. Sonymen qatar, eńbekke aqy tóleýdiń ádil júiesine qatysty barlyq naqty ereje ázirlendi, olar negizgi syiaqyny da, jyl qorytyndysy boiynsha syiaqy tóleýdi de bildiredi. Ol qyzmettiń negizgi kórsetkishterin, jumysty jeke, korporativtik oryndaýǵa naqty bailanystyrylǵan", - dedi Sátqaliev Ortalyq kommýnikatsiialar qyzmeti brifinginde.
Qor basshysy jalaqy máselesi tolyǵymen direktorlar keńesi quzyrynda ekenin aitty.
"Portfeldik kompaniialardyń direktorlar keńesinde barlyq jerde qor ókilderi bar, olar bul máseleni jáne Memleket basshysynyń qyzmetkerlerge ádil eńbekaqy tóleýge qatysty barlyq tapsyrmasy tolyǵymen oryndalýyn baqylaýda ustaidy", - dep túiindedi ol.
