Búgin Astanada «Samuryq - Qazyna» AQ Basqarma tóraǵasy Ahmetjan Esimov pen Nazarbaev ýniversitetiniń prezidenti Shigeo Katsý áriptestik týraly Memorandýmǵa qol qoidy.
Bul qujat negizinde «Samuryq - Qazyna» men oǵan enshiles kompaniialar qyzmetkerleri Nazarbaev ýniversitetinde kásibi biliktiligin arttyra alady. Sáikesinshe, Nazarbaev ýniversitetiniń stýdentteri ulttyq ál-aýqat qory men oǵan qarasty kompaniialarda óndiristik tájiribeden ótedi.
«Samuryq - Qazyna» AQ Basqarma tóraǵasy Ahmetjan Esimov óz sózinde kompaniialardaǵy kadrlyq áleýet joǵary ekenin atap ótti.
«Samuryq – Qazyna» eń iri ulttyq kompaniialardy biriktirip otyr. Bizdiń kompaniialar aldyndaǵy talaptar men mindetterdiń mańyzdylyǵyna orai eń myqty mamandar tańdalǵan dep senimmen aita alamyn. Soǵan qaramastan bilikti qyzmetkerlermen tolyqtyryp otyrý árqashan qajet. Nazarbaev ýniversitetiniń stýdentteri bizdiń qorǵa qarasty ulttyq kompaniialarda tájiribeden ótý múmkindigin alsa bizge de maman tańdaý máselesi ońtaily bolady, - deidi qor basshysy.
Demek, ulttyq ál-aýqat qory óndiristik tájiribe barysynda stýdentter arasynan eń qabiletti jas mamandardy irikteidi. Osylaisha, «Samuryq - Qazyna» AQ men Nazarbaev ýniversiteti arasyndaǵy kelisim Qordyń kompaniialar tobyndaǵy kadr saiasatyn damytýǵa baǵyttalǵan.
«Samuryq - Qazyna» qory jas mamandardy tárbieleý jáne qoldaý maqsatynda búginde eki baǵdarlamany júzege asyryp otyr: «Jas órken» jáne «Tsifrlyq jaz».
«Bizdiń Qorda jáne iri kompaniialarda jumys isteý úshin tamyr-tanys emes, bilim men bilik, talant pen eńbekqorlyq qajet ekenin kórsetip otyrmyz. Jáne maman tańdaýdyń osy tásilin jalǵastyryp qana qoimai, aýqymyn keńeite túsemiz», - dep atap ótti Ahmetjan Esimov.
Esterińizge sala keteiik, biyl sáýir aiynda Ulttyq ál-aýqat qory jańa kadr saiasatyn jariialady. Oǵan sáikes, basqarýdyń shaǵyn qurylymy bekitildi jáne barlyq enshiles kompaniialarda maman tańdaýdyń biryńǵai sharasy engizildi.
