«Samuryq-Qazyna» UÁQ kompaniialar tobynyń 2016 jylǵy tabysy 730 mlrd. teńgeni qurady. Bul jaiynda Ortalyq kommýnikatsiialar qyzmetindegi brifingte Qordyń qarjy jáne operatsiialar jónindegi ýaqytsha basqarýshy direktory Ernar Janádil málim etti, dep habarlaidy Ult.kz tilshisi QazAqparat agenttigine silteme jasap.
«Samuryq-Qazyna» AQ 2016 jyldy ońtaily qarjylyq nátijemen aiaqtady. Aktsioner úlesindegi shoǵyrlanǵan taza paida 2016 jyldyń qorytyndysy boiynsha 455 mlrd teńgeni qurady. Bul 2015 jylǵy kórsetkishten 180 paiyzǵa nemese 292 mlrd teńgege artyq», - dedi ol.
Qor málimetinshe, shoǵyrlanǵan túsim sommasy 4,1 trln teńgege jýyq. Bul ótken jyldyń kórsetkishterine qaraǵanda 32 paiyzǵa joǵary. Qor tobynyń shoǵyrlanǵan túsimi 730 mlrd. teńge boldy. Bul da 2015 jylǵy kórsetkishten 345 mlrd. teńgege artyq. Jalpy ákimshilik shyǵystar 345 mlrd. teńgeni qurady. Bul 2015 jyldyń kórsetkishterimen salystyrǵan 36 mlrd. teńgege kem. Ótken jyly biýdjetke shamamen 610 mlrd. teńge salyq tólendi.
«2015 jyly munaidyń ortasha baǵasy barreline 52 dollar, al 2016 jyly 44 dollar boldy. Iaǵni, biz teris áser alamyz dep kútken edik. Biraq, oń nátije oryn aldy. Bul 2016 jyldyń ekinshi jartyjyldyǵynda munai baǵasy kóterilip, mol munai satylyp, túsim joǵary boldy», - dedi Ernar Janádil.
