.jpeg)
Biyl Qazaqstandaǵy «Balalar jylynyń» aiasynda «Samuryq-Qazyna» ulttyq ál-aýqat qoryna qarasty «Samruk-Kazyna Trust» áleýmettik jobalardy damytý qory 18 myńǵa jýyq balany qamtityn qaiyrymdylyq jobalaryn júzege asyrǵan. Bul týraly búgin Nur-Sultan qalasynda ótken brifingte «Samruk-Kazyna Trust» áleýmettik jobalardy damytý qorynyń bas direktory Alfiia Adieva málim etti, dep habarlaidy Ult.kz.
Alfiia Adieva 2022 jyldyń birinshi jartyjyldyǵynda 2,5 mlrd teńge qarajattyń jobalary júzege asyrylǵanyn, al, biylǵy qaiyrymdylyqqa arnalǵan qarajat kólemi 10 mlrd teńge ekenin aita otyryp, osy qarajatqa naqty atqarylǵan jáne atqarylatyn jumystardy tizip shyqty.
«Samruk-Kazyna Trust» qorynyń biyl qarjylandyrǵan mańyzdy jobalarynyń biri - bul «Járdem» jáne «Salamatty Qazaqstan» meditsinalyq poiyzdary. Bul joba arqyly Qazaqstan Respýblikasynyń shalǵai stantsiiasynyń turǵyndaryna meditsinalyq kómek kórsetý kózdelip otyr. Atalmysh poiyzdar búginde birneshe óńirdi aralap, meditsinalyq kómek kórsetýde», - dedi brifing kezinde Alfiia Adieva.
Jalpy, qordyń maquldanǵan jobalary arasynda erekshe balalarǵa arnalǵan 8 ortalyq, damýy buzylǵan jáne olardyń týyndaý qaýpi bar balalarǵa erte diagnostika qoiatyn 13 ortalyq, Jańaózen qalasynyń mektepterin jihazben jáne interaktivti paneldermen jabdyqtaý jumystary bar.
«Nárestelerdiń shetineýi men múgedektigin azaitý úshin de «Samuryq-Qazyna» jáne oǵan qarasty portfeldik kompaniialar «Samruk-Kazyna Trust» arqyly qaiyrymdylyqtaryn kórsetip keledi. Iaǵni, bul baǵytta biz «basqarylatyn gipotermiia» degen innovatsilyq jobany qarjylandyryp jatyrmyz. Biyl Taldyqorǵan, Aqtaý, Óskemen, Shymkent jáne Almaty qalalarynda bes perinatalydy ortalyqty terapevtik keshenmen jabdyqtaýdy maqsat etip otyrmyz. Osyǵan deiin bir ǵana Qaraǵandyda aýyr jáne ortasha asfiksiiamen dúniege kelgen on bir náreste aman qaldy», - deidi Qor direktory.
Sózin qorytyndylai kele, Alfiia Adieva qor aǵa býynǵa da zor qoldaý bildiretinin, Uly Otan soǵysynyń ardagerleri men tyl eńbekkerleri jyl boiy áleýmettik qoldaýmen qamtylǵanyn atap ótti.
«1935 jylǵy 31 jeltoqsanǵa deiin týǵan qazaqstandyq Uly Otan soǵysynyń ardagerleri men tyń eńbekkerleri Qazaqstan jáne TMD elderiniń aýmaǵynda barlyq baǵyttar boiynsha temirjol kóligimen tegin júre alady», - deidi ol.
