19 qarashada "Samara-Shymkent" tasjolynda jol apaty bolyp, bir áiel qaza tapty, - dep habarlaidy "Ult aqparat" Polisia.kz Telegram arnasyna silteme jasap.
Kia Rio kóliginiń 58 jastaǵy júrgizýshisi kólikti basqara almai, joldyn shetine shyǵyp, saldarynan kólik aýdarylǵan.
Jol apatynan 64 jastaǵy jolaýshy oqiǵa ornynda qaza tapty, al júrgizýshi jubaiymen aýrýhanaǵa jetkizildi.
Aqtóbe oblysynyń Politsiia departamenti aýa raiynyń kúrt nasharlaýy - joldardaǵy kóktaiǵaqqa bailanysty eskertý jasady.
"Osyǵan bailanysty eldi mekenderden tys jerlerge alys saparlarǵa shyqpaý usynylady. Eger saparǵa shyqsańyz, jol-kólik oqiǵalaryn boldyrmaý úshin jol qozǵalysy erejelerin qatań saqtaý qajet", - deidi Aqtóbe oblysy PD JPKB rota komandiri Artýr Abdreshov.
