Samal Esliamova basty róldi somdaityn «Barymtashylar. Ýaqyt joly» filmi Frantsiianyń 21 qalasynda prokatqa shyqty, dep habarlaidy "Ult aqparat".
Qýanyshty habardy film prodiýseri Iýliia Kim Instagram jelisinde jazdy.
«Bizdiń «Barymtashylar. Ýaqyt joldary» filmimiz aqyry Frantsiiada prokatqa shyqty jáne 21 qalada kórsetiledi! Qiyndyqqa toly bir jarym jyl ishinde kóp kúsh-jiger jumsaldy. Karantin men sanitarlyq sharalarǵa bailanysty shyǵarylym úsh ret toqtatyldy. Bastapqyda eńsemiz túsken edi, sodan keiin qaitadan umtylyp kórýdi uiǵardyq. Sodan keiin qaitadan. Óitkeni, bul film úlken ekrandar úshin túsirilgen edi», - dep jazdy prodiýser.
Onyń aitýynsha, POSITIF, TÉLÉRAMA, Le Polyester syndy tanymal kinobasylymdar filmge qoldaý kórsetýde. Áigili Le MONDE gazetiniń saitynda da film týraly jaǵymdy pikir jariialanǵan.
«Japondyq rejisser Liza Takebamen birge túsirgen filmimiz álemdik kinematograf otanynda kórsetilýde. Mundai oqiǵa meniń ómirimde birinshi ret bolyp jatyr. Men Parij kinoteatrlarynyń birine jasyryn kirgim keledi, bizdiń filmdi frantsýz kórermenderimen birge kórip, olardyń reaktsiiasyn sezgim keledi», - deidi film rejisseri Erlan Nurmuhamedov.
29 shilde kúni Parijde barlyq sanitarlyq talaptar saqtalyp, filmniń arnaiy kórsetilimi ótedi. Onda qazaqtyń ulttyq taǵamdary qoiylady.
Buǵan deiin Qazaqstan men Japoniia birlesip túsirgen «Barymtashylar. Ýaqyt joly» filmi Frantsiiada 16 jeltoqsanda prokatqa shyǵýy tiis bolatyn. Kartinanyń rejisserleri - Erlan Nurmuhambetov (Qazaqstan) jáne Liza Takeba (Japoniia). Filminiń óndirisine Qazaqstan tarapynan Sh.Aimanov atyndaǵy «Qazaqfilm» AQ, japon tarapynan – «Tokyo New Cinema» kompaniiasy atsalysqan.
Basty rólderde Kann kinofestivaliniń júldegeri Samal Esliamova, tanymal japon akteri Mirai Moriiama, qazaqstandyq teatr jáne kino akteri Dýlyǵa Aqmolda jáne jas akter Mádi Menaidarov oinady.
