سامال ەسلياموۆا باستى رٶلدٸ سومدايتىن «بارىمتاشىلار. ۋاقىت جولى» فيلمٸ فرانتسييانىڭ 21 قالاسىندا پروكاتقا شىقتى, دەپ حابارلايدى "ۇلت اقپارات".
قۋانىشتى حاباردى فيلم پروديۋسەرٸ يۋلييا كيم Instagram جەلٸسٸندە جازدى.
«بٸزدٸڭ «بارىمتاشىلار. ۋاقىت جولدارى» فيلمٸمٸز اقىرى فرانتسييادا پروكاتقا شىقتى جەنە 21 قالادا كٶرسەتٸلەدٸ! قيىندىققا تولى بٸر جارىم جىل ٸشٸندە كٶپ كٷش-جٸگەر جۇمسالدى. كارانتين مەن سانيتارلىق شارالارعا بايلانىستى شىعارىلىم ٷش رەت توقتاتىلدى. باستاپقىدا ەڭسەمٸز تٷسكەن ەدٸ, سودان كەيٸن قايتادان ۇمتىلىپ كٶرۋدٸ ۇيعاردىق. سودان كەيٸن قايتادان. ٶيتكەنٸ, بۇل فيلم ٷلكەن ەكراندار ٷشٸن تٷسٸرٸلگەن ەدٸ», - دەپ جازدى پروديۋسەر.
ونىڭ ايتۋىنشا, POSITIF, TÉLÉRAMA, Le Polyester سىندى تانىمال كينوباسىلىمدار فيلمگە قولداۋ كٶرسەتۋدە. ەيگٸلٸ Le MONDE گازەتٸنٸڭ سايتىندا دا فيلم تۋرالى جاعىمدى پٸكٸر جارييالانعان.
«جاپوندىق رەجيسسەر ليزا تاكەبامەن بٸرگە تٷسٸرگەن فيلمٸمٸز ەلەمدٸك كينەماتوگراف وتانىندا كٶرسەتٸلۋدە. مۇنداي وقيعا مەنٸڭ ٶمٸرٸمدە بٸرٸنشٸ رەت بولىپ جاتىر. مەن پاريج كينوتەاترلارىنىڭ بٸرٸنە جاسىرىن كٸرگٸم كەلەدٸ, بٸزدٸڭ فيلمدٸ فرانتسۋز كٶرەرمەندەرٸمەن بٸرگە كٶرٸپ, ولاردىڭ رەاكتسيياسىن سەزگٸم كەلەدٸ», - دەيدٸ فيلم رەجيسسەرٸ ەرلان نۇرمۇحامەدوۆ.
29 شٸلدە كٷنٸ پاريجدە بارلىق سانيتارلىق تالاپتار ساقتالىپ, فيلمنٸڭ ارنايى كٶرسەتٸلٸمٸ ٶتەدٸ. وندا قازاقتىڭ ۇلتتىق تاعامدارى قويىلادى.
بۇعان دەيٸن قازاقستان مەن جاپونييا بٸرلەسٸپ تٷسٸرگەن «بارىمتاشىلار. ۋاقىت جولى» فيلمٸ فرانتسييادا 16 جەلتوقساندا پروكاتقا شىعۋى تيٸس بولاتىن. كارتينانىڭ رەجيسسەرلەرٸ - ەرلان نۇرمۇحامبەتوۆ (قازاقستان) جەنە ليزا تاكەبا (جاپونييا). فيلمٸنٸڭ ٶندٸرٸسٸنە قازاقستان تاراپىنان ش.ايمانوۆ اتىنداعى «قازاقفيلم» اق, جاپون تاراپىنان – «Tokyo New Cinema» كومپانيياسى اتسالىسقان.
باستى رٶلدەردە كانن كينوفەستيۆالٸنٸڭ جٷلدەگەرٸ سامال ەسلياموۆا, تانىمال جاپون اكتەرٸ ميراي موريياما, قازاقستاندىق تەاتر جەنە كينو اكتەرٸ دۋلىعا اقمولدا جەنە جاس اكتەر مەدي مەنايداروۆ وينادى.
