QR «Biryńǵai jinaqtaýshy zeinetaqy qory» AQ basqarma tóraǵasy Janat Qurmanov naýryz-sáýir ailaryndaǵy investitsiialyq ózgerister týraly onlain brifing barysynda aitty, dep habarlaidy QazAqparat.
«Zeinetaqy jinaqtary túrli valiýtadaǵy instrýmentterge (aktsiia, obligatsiia, baǵaly qaǵazdar) investitsiialandy. Investitsiialardyń 2/3-si - teńgemen, 1/3-i sheteldik valiýtaǵa salynǵan. Onyń basym kópshiligi AQSh dollaryna salynǵan», - dedi Janat Qurmanov.
Onyń aitýynsha, naýryzda AQSh dollarynyń teńgege shaqqandaǵy baǵamy 381-den 488 teńgege ósti.
Sheteldik valiýtaǵa salynǵan zeinetaqy aktivteriniń tiimdi qaita baǵalanýy naýryzdaǵy aktivterdiń 541,9 mlrd teńgege ósýin qamtamasyz etti.
Sáýirdiń basynda kerisinshe teńge baǵamy AQSh dollaryna qaraǵanda 448 teńgeden 425 teńgege nyǵaidy. Sol kezde zeinetaqy aktivteriniń teris qaita baǵalanýynan 179,7 mlrd teńge kóleminde investitsiialyq tabys azaiǵan.
«Sáýirdiń sońynda taza investitsiialyq tabys taǵy ózgerdi. 30 sáýirde AQSh dollary 424,64 teńgege tómendedi. Bul óz kezeginde taǵy da investitsiialardyń qaita qaralýyna ákep soǵady. Alaida jyl basynan bergi boljamǵa sensek, investitsiialyq tabys 0,5 trln teńge bolady. Salymshylarǵa naýryz-sáýir aiyndaǵy investitsiialyq tabysy jaily ýaiymdaýdyń qajeti joq», - dedi spiker.
