قر «بٸرىڭعاي جيناقتاۋشى زەينەتاقى قورى» اق باسقارما تٶراعاسى جانات قۇرمانوۆ ناۋرىز-سەۋٸر ايلارىنداعى ينۆەستيتسييالىق ٶزگەرٸستەر تۋرالى ونلاين بريفينگ بارىسىندا ايتتى, دەپ حابارلايدى قازاقپارات.
«زەينەتاقى جيناقتارى تٷرلٸ ۆاليۋتاداعى ينسترۋمەنتتەرگە (اكتسييا, وبليگاتسييا, باعالى قاعازدار) ينۆەستيتسييالاندى. ينۆەستيتسييالاردىڭ 2/3-سٸ - تەڭگەمەن, 1/3-ٸ شەتەلدٸك ۆاليۋتاعا سالىنعان. ونىڭ باسىم كٶپشٸلٸگٸ اقش دوللارىنا سالىنعان», - دەدٸ جانات قۇرمانوۆ.
ونىڭ ايتۋىنشا, ناۋرىزدا اقش دوللارىنىڭ تەڭگەگە شاققانداعى باعامى 381-دەن 488 تەڭگەگە ٶستٸ.
شەتەلدٸك ۆاليۋتاعا سالىنعان زەينەتاقى اكتيۆتەرٸنٸڭ تيٸمدٸ قايتا باعالانۋى ناۋرىزداعى اكتيۆتەردٸڭ 541,9 ملرد تەڭگەگە ٶسۋٸن قامتاماسىز ەتتٸ.
سەۋٸردٸڭ باسىندا كەرٸسٸنشە تەڭگە باعامى اقش دوللارىنا قاراعاندا 448 تەڭگەدەن 425 تەڭگەگە نىعايدى. سول كەزدە زەينەتاقى اكتيۆتەرٸنٸڭ تەرٸس قايتا باعالانۋىنان 179,7 ملرد تەڭگە كٶلەمٸندە ينۆەستيتسييالىق تابىس ازايعان.
«سەۋٸردٸڭ سوڭىندا تازا ينۆەستيتسييالىق تابىس تاعى ٶزگەردٸ. 30 سەۋٸردە اقش دوللارى 424,64 تەڭگەگە تٶمەندەدٸ. بۇل ٶز كەزەگٸندە تاعى دا ينۆەستيتسييالاردىڭ قايتا قارالۋىنا ەكەپ سوعادى. الايدا جىل باسىنان بەرگٸ بولجامعا سەنسەك, ينۆەستيتسييالىق تابىس 0,5 ترلن تەڭگە بولادى. سالىمشىلارعا ناۋرىز-سەۋٸر ايىنداعى ينۆەستيتسييالىق تابىسى جايلى ۋايىمداۋدىڭ قاجەتٸ جوق», - دەدٸ سپيكەر.
