«Qazaqstannyń turǵynúiqurylysjinaqbanki» AQ Telegram-kanalda taraǵan málimet týraly resmi aqparat berdi, dep habarlaidy "Ult aqparat".
Búgin tús kezinde áleýmettik jelide qazaqstandyqtardyń jappai «Turǵynúiqurylysjinaqbankindegi» shottaryn japqyzyp jatqany týraly aqparat taraǵan bolatyn. Tipti bank aldynda kezekke keptelgen adamdardyń sýreti de jariialanǵan. Bank osy derekke qatysty resmi aqparat berdi.
«Búgin saǵat 15.00-degi jaǵdai boiynsha «Turǵynúiqurylysjinaqbankinen» 456 adam shot ashqan. 95 adam qaryz alǵan. Salymshylarǵa qatysty ózge de bank protsedýralary josparly rejimde júrip jatyr. Óńirlerdegi bank filialdary da halyqqa shtattyq rejimde qyzmet kórsetýde», - delingen resmi aqparatta.
Bank Qylmystyq kodekske súiene otyryp, atalmysh jalǵan aqparat taratýshylarǵa qarsy shaǵym túsirgenin habarlaidy.
«Jumys kúni aiaqtalǵanǵa deiin keminde 200 adamǵa qaryz berý josparlanǵan. Keshe turǵyndar 279 qaryz alǵan bolatyn. Olardyń aldy qazirdiń ózinde jańa baspanalaryna kirip jatyr», - delingen habarlamada.
«Turǵynúiqurylysjinaqbanki» AQ memlekettik jinaqtaý institýty bolǵandyqtan, onyń aktsiialaryna «Báiterek» ulttyq basqarý holdingi arqyly Qazaqstan Respýblikasynyń úkimeti ielik etedi. Sondyqtan, bank óz klientteri aldyndaǵy mindetterin oryndaýǵa barlyq jaǵynan qaýqarly», - delingen banktiń resmi málimetinde.
