«قازاقستاننىڭ تۇرعىنٷيقۇرىلىسجيناقبانكٸ» اق Telegram-كانالدا تاراعان مەلٸمەت تۋرالى رەسمي اقپارات بەردٸ, دەپ حابارلايدى "ۇلت اقپارات".
بٷگٸن تٷس كەزٸندە ەلەۋمەتتٸك جەلٸدە قازاقستاندىقتاردىڭ جاپپاي «تۇرعىنٷيقۇرىلىسجيناقبانكٸندەگٸ» شوتتارىن جاپقىزىپ جاتقانى تۋرالى اقپارات تاراعان بولاتىن. تٸپتٸ بانك الدىندا كەزەككە كەپتەلگەن ادامداردىڭ سۋرەتٸ دە جارييالانعان. بانك وسى دەرەككە قاتىستى رەسمي اقپارات بەردٸ.
«بٷگٸن ساعات 15.00-دەگٸ جاعداي بويىنشا «تۇرعىنٷيقۇرىلىسجيناقبانكٸنەن» 456 ادام شوت اشقان. 95 ادام قارىز العان. سالىمشىلارعا قاتىستى ٶزگە دە بانك پروتسەدۋرالارى جوسپارلى رەجٸمدە جٷرٸپ جاتىر. ٶڭٸرلەردەگٸ بانك فيليالدارى دا حالىققا شتاتتىق رەجٸمدە قىزمەت كٶرسەتۋدە», - دەلٸنگەن رەسمي اقپاراتتا.
بانك قىلمىستىق كودەكسكە سٷيەنە وتىرىپ, اتالمىش جالعان اقپارات تاراتۋشىلارعا قارسى شاعىم تٷسٸرگەنٸن حابارلايدى.
«جۇمىس كٷنٸ اياقتالعانعا دەيٸن كەمٸندە 200 ادامعا قارىز بەرۋ جوسپارلانعان. كەشە تۇرعىندار 279 قارىز العان بولاتىن. ولاردىڭ الدى قازٸردٸڭ ٶزٸندە جاڭا باسپانالارىنا كٸرٸپ جاتىر», - دەلٸنگەن حابارلامادا.
«تۇرعىنٷيقۇرىلىسجيناقبانكٸ» اق مەملەكەتتٸك جيناقتاۋ ينستيتۋتى بولعاندىقتان, ونىڭ اكتسييالارىنا «بەيتەرەك» ۇلتتىق باسقارۋ حولدينگٸ ارقىلى قازاقستان رەسپۋبليكاسىنىڭ ٷكٸمەتٸ يەلٸك ەتەدٸ. سوندىقتان, بانك ٶز كليەنتتەرٸ الدىنداعى مٸندەتتەرٸن ورىنداۋعا بارلىق جاعىنان قاۋقارلى», - دەلٸنگەن بانكتٸڭ رەسمي مەلٸمەتٸندە.
