Salyqtyq raqymshylyqty jyl basynan beri 40 myńnan astam zańdy tulǵa men jeke kásipker paidalanǵan, dep habarlaidy QazAqparat.
«Qazaqstanda kásipkerlikti qoldaý baǵytynda birqatar memlekettik is-shara qabyldanǵanyn bilesizder. Sony biri – Qazaqstannyń Tuńǵysh Prezidentiniń shaǵyn jáne orta biznes sýbektileri úshin jariialaǵan salyqtyq raqymshylyǵy. Iaǵni, salyq tóleýshi negizgi qaryzdy tólegen jaǵdaida ósimaqy men aiyppuldardy syzyp tastaý tájiribesi bizdiń elde burynnan bar. Eldegi ShOB-tyń damýyna bul qadam aitarlyqtai oń yqpal etedi. Qazirgi tańda Qazaqstanda 830 myńǵa tarta shaǵyn jáne orta biznes sýbektisi bar. JIÓ-degi atalmysh sektordyń úlesi – 28 paiyz. Sońǵy 10 jylda olardyń 143,7 mlrd teńgelik ósimpuly men aiyppuly keshirilgen», - dedi QR QM MKK Aýdit departamentiniń direktory Jandos Dúisembiev QR QM Memlekettik kirister komiteti men Qazaqstan salyq tóleýshileri qaýymdastyǵynyń birlesken konferentsiiasynda.
Komitet ókiliniń aitýyna qaraǵanda, raqymshylyq barlyq sanattaǵy salyq tóleýshilerdi qamtyǵan. Raqymshylyq aktsiiasynyń el ekonomikasyna oń yqpal etkenin Jandos Dúisembiev naqty statistikamen dáleldeýge tyrysty.
«2015 jyly júrgizilgen salyqtyq raqymshylyqqa qatysqandardyń 67 paiyzynyń qazirgi tańda salyqtyq qaryzy joq. Ol degenimiz – 122 myń zańdy tulǵa men jeke kásipker. Al 2018 jyldyń 1 qazany boiynsha respýblikada salyqtyq qaryzy bar 90 myńnan astam shaǵyn jáne orta biznes sýbektisi bar edi. Olardyń salyqtyq qaryzynyń jalpy somasy 340,6 mlrd teńge bolǵan. Mundaǵy negizgi qaryz – 210,4 mlrd teńge, ósimpul - 122,9 mlrd teńge, aiyppul – 7,3 mlrd teńge», - dedi ol.
Komitet ókili óz sózinde biylǵy salyqtyq raqymshylyq jyl sońyna deiin jalǵasatynyn eske saldy.
«Búginge deiin «Shaǵyn jáne orta biznes úshin salyqtyq raqymshylyq» baǵdarlamasyna 40 391 salyq tóleýshi qosyldy. Olar jalpy somasy 7,8 mlrd teńgelik negizgi qaryzdy ótep, olardyń 2,3 mlrd teńgelik ósimpuly men 181 mln teńgelik aiyppuly syzylyp tastaldy», - dedi Jandos Dúisembiev.
Eske sala ketsek, Qazaqstanda salyqtyq raqymshylyq bastalatyny osy jyldyń basynda habarlanǵan edi. Ol boiynsha, 2018 jyldyń 1 qazanyna deiin jinaqtalǵan qaryzdyń kelesi jyldyń aiaǵyna deiin tóleý kerek. Sonda kásipkerler barlyq aiyppuldar men ósimaqylardan bosatylady.
Salyqtyq raqymshylyq sharasynyń birinshi toqsandaǵy nátijeleri boiynsha salyq tóleýshilerge 1 mlrd teńge ósimpuly keshirilgen.
