QR Qarjy ministrliginiń bastamasymen aqparattyq júielerdi reinjiniringteý boiynsha josparly jumystar júrgizilip jatyr. Bul týraly Qazaqstan Respýblikasy Qarjy ministrliginiń baspasóz qyzmeti habarlady.
Atalǵan shara «Salyqtyq ákimshilikti reformalaý» jobasynyń aiasynda iske asyp otyr. Nátijesinde jańa qosalqy júieler jáne basqa da memlekettik organ júieleri integratsiialatyn bolady.
«Máselen, aǵymdaǵy jyldyń qyrkúieginde «Jergilikti salyqtar» júiesi paidalanýǵa berildi. Ol «Málimetter bazasyn integratsiialaý» aqparattyq júiesiniń qosalqy júiesi sanalady. Onyń maqsaty – ortalyqtandyrylǵan esep pen múlik salyǵy týraly habarlamalar qalyptastyrý jáne jeke tulǵalardyń jer salyǵyn jasaý», – delingen ministrlik habarlamasynda.
Buǵan qosa, reinjiniring boiynsha «Salyq tóleýshi kabinetiniń» Web-qosymshasy jasalyp jatyr. «Qazirgi tańda jańa qurylymǵa ótý jumystary júrgizilý ústinde, sonyń nátijesinde árbir salyq formasyna jeke server bólinetin bolady. Bul qosymsha jumysyn ikemdi basqarýǵa múmkindik berip, salyq tóleýshiler kabineti qoljetimdiligine qatysty shekteýlerdi alyp tastaidy. Birinshi kezeńde paidalanýshylar sanyn 100 myńǵa deiin arttyrý kózdelip otyr, ol 2019 jyldyń 3-shi toqsanynda bastalady dep josparlanýda», – deidi QR Qarjy vitse-ministri Rýslan Eńsebaev.
Naqty esep júrgizý maqsatynda Qarjy ministrligi Memlekettik kirister komitetiniń júiesi men Aýyl sharýashylyǵy ministrligi Jer resýrstaryn basqarý komitetiniń «Memlekettik jer kadastry» aqparattyq júiesi jáne Ádilet ministrliginiń «Jyljymaityn múlikti tirkeý» memlekettik derekter bazasy integratsiialandy.
«Málimetter bazasyn integratsiialaý» aqparattyq júiesiniń negizgi ereksheligi – salyq tóleýshilerge jergilikti salyq somasy týraly málimetti SMS-habarlamalar arqyly jibere alýynda bolyp otyr. Osy rette, qyrkúiek aiynda Mobildi azamattar bazasyna tirkelgen el turǵyndarynyń uialy telefonyna salyq somasy týraly habarlamalar jiberilgen edi.
«Biz «Jergilikti salyqtar» qosalqy júiesi men «Kaspi Bank» AQ derekter bazasyn integratsiialadyq. Iaǵni, atalǵan banktiń mobildi qosymshasynda salyq tóleý qyzmeti iske qosyldy. Osylaisha, mobildi qosymsha arqyly qoldanýshylar óz salyqtaryn tólei alady. Ol úshin salyq tóleýshige eshqandai aqparatty toltyrýdyń qajeti joq, óitkeni, júieniń ózi qajetti aqparatty kórsetip beredi. Osyndai qyzmetti «Qazaqstan Halyq Banki» AQ óz paidalanýshylaryna da usynyp jatyr», – dep atap ótti vitse-ministr.
