QR Parlament Májilisiniń depýtaty Sergei Simonov salyqty ákimshilendirý isindegi olqylyqtar Ulttyq qorǵa keri áser etip jatqanyn aitty, dep habarlaidy QazAqparat.
«Álemdegi ekonomikalyq jaǵdai ońai bolmai tur. Mundaida salyq jinaý, kedendik jáne ózge de mindettemelerdi ákimshilendirý isin tyńǵylyqty júrgizý ózekti bola túsedi. 2021 jyly keibir josparly kórsetkishter oryndalǵanyna qaramastan, zańsyzdyqtar men kemshilikter bar. Salyqtyq ákimshilendirýdiń álsizdiginen Ulttyq qorǵa táýeldilik artyp otyr. Buǵan deiingi jyldar siiaqty kiristerdiń úshten bir bóliginen astamy Ulttyq qordan alynǵan. Keiingi úsh jylda bul kórsetkish joǵary bolyp tur. Úkimettiń esebi boiynsha, 2021 jyly salyqtyq jáne kedendik ákimshilendirýdi jetildirýdiń arqasynda respýblikalyq biýdjetke 683,6 mlrd teńge qosymsha kiris túken. Alaida, Esep komitetiniń baǵalaýy boiynsha, bul sharalardan 378 mlrd teńge ǵana túsken. Iaǵni, 44,7% paiyz az», - dedi ministrlik Parlamenttiń birlesken otyrysynda.
Depýtattyń málimeti boiynsha, 2022 jyldyń 1 qańtarynda respbýlikalyq biýdjettiń kiris tloymsyzdyǵy 451 mlrd teńge bolǵan. Bul 2020 jylmen salystyrǵanda 4 ese kóp. Iaǵni tolymsyzdyq 387 mlrd teńge ósken.
«Qytaimen aradaǵy ózara saýda statistikasyndaǵy alshaqtyq ta burynǵy kúiinde qalyp otyr. Jyldar boiy qolǵa alynǵan sharalar kútken nátijeni bermedi. Esep 5,7 mlrd dollar bolǵan. Al keiingi úsh jylda bul soma 17 mlrd dollarǵa jetken. Osylaisha kedendik bajdy qospaǵanda qosymsha qun salyǵynan ǵana biýdjetke túsetin 1 mlrd dollar jelge ushyp jatyr. Qazaqstannyń ózge de saýda seriksterimen statistikalyq aýytqýlar tirkelip otyr», - degen Májilis ókili Qarjy ministriniń keiingi 11 jyldan beri salyqtyq jáne kedendik ákimshilendirý isin bir aqparattyq júiege kiriktire almai kele jatqanyn synady.
